ទស្សនាវដ្តីរបស់អាមេរិក Forbes បានបង្ហាញបញ្ជីចំណាត់ថ្នាក់ក្លិបកីឡាបាល់ទាត់ដែលមានតម្លៃថ្លៃជាងគេលើលោកចំនួន១០ (Top 10 world's most valuable football clubs) សម្រាប់ឆ្នាំ២០២១។ Barcelona ទម្លាក់ Real Madrid ដើម្បីប្រជែងយកចំណាត់ថ្នាក់លេខ១ ស្របពេល Manchester United ធ្លាក់ពីលេខ៣ ទៅលេខ៤។ Bayern Munich ឡើងទៅលេខរៀងទី៣វិញ។
Barcelona ឡើងទៅឈរកំពូលតារាងនៃបញ្ជី The World Most Valuable Football Clubs ជាលើកដំបូងនៅឆ្នាំ២០២១នេះ ក្នុងតម្លៃ ៤,៧៦ពាន់លានដុល្លារអាមេរិក។ Real Madrid ដែលធ្លាប់កាន់តំណែងនេះ៥លើកធ្លាក់ទៅលេខពីរវិញ ដោយមានតម្លៃ៤,៧៥ពាន់លានដុល្លារអាមេរិក។ Man Utd ដែលធ្លាប់ឈរចំណាត់ថ្នាក់លេខ១ចំនួន១១លើក បានធ្លាក់ទៅលេខរៀងទី៤វិញ ខណៈឆ្នាំមុននៅលេខ៣។ បិសាចក្រហមមានតម្លៃ ៤,២ ពាន់លានដុល្លារ តាមពីក្រោយ Bayern Munich ដែលលេខ៣ មានតម្លៃ ៤,២១៥ ពាន់លានដុល្លារ ។
នៅឆ្នាំ២០២១នេះ ក្នុងចំណោមក្លិបកីឡាបាល់ទាត់ថ្លៃបំផុតទាំង១០លើលោកដែល Forbes បានចេញផ្សាយនោះ មានក្លិបបាល់ទាត់មកពី Premier League ដល់ទៅ៦ឯណោះ។ ក្លិបទាំង៦របស់អង់គ្លេសរួមមាន Manchester United, Liverpool, Manchester City, Chelsea, Arsenal និង Tottenham Hotspur។
ខាងក្រោមនេះ ជាបញ្ជីឈ្មោះក្លិបដែលស្ថិតក្នុងបញ្ជី The World Most Valuable Football Clubs ទាំង១០ សម្រាប់ឆ្នាំ២០២១នេះ៖
១. Barcelona តម្លៃ ៤,៧៦ ពាន់លានដុល្លារអាមេរិក
២. Real Madrid តម្លៃ ៤,៧៥ ពាន់លានដុល្លារអាមេរិក
៣. Bayern Munich តម្លៃ ៤,២២ ពាន់លានដុល្លារអាមេរិក
៤. Manchester United តម្លៃ ៤,២ ពាន់លានដុល្លារអាមេរិក
៥. Liverpool តម្លៃ ៤,១ ពាន់លានដុល្លារអាមេរិក
៦. Manchester City តម្លៃ ៤ ពាន់លានដុល្លារអាមេរិក
៧. Chelsea តម្លៃ ៣,២ ពាន់លានដុល្លារអាមេរិក
៨. Arsenal តម្លៃ ២,៨ ពាន់លានដុល្លារអាមេរិក
៩. Paris St-Germain តម្លៃ ២,៥ ពាន់លានដុល្លារអាមេរិក
១០. Tottenham តម្លៃ ២,៣ ពាន់លានដុល្លារអាមេរិក៕