បើតាមលោក គង់ សោភ័ណ្ឌ ស្ថានភាពនៃការឆ្លងរាលដាលជំងឺកូវីដ-១៩ ចេញពីព្រឹត្តិការណ៍២០កុម្ភៈ នៅក្នុងផ្សារគគីរនេះ អាចរីករាលជាបន្តបន្ទាប់គួរឱ្យព្រួយបារម្ភ និងចាំបាច់ត្រូវមានវិធានការសុខាភិបាល ដើម្បីទប់ស្កាត់ជាបន្ទាន់។ លោក បញ្ជាក់ដូច្នេះថា៖«ចំពោះមុខ រដ្ឋបាលខេត្តកណ្តាល សូមផ្អាកដំណើរការជាបណ្តោះអាសន្ន ផ្សារគគីរ ស្រុកកៀនស្វាយ ចាប់ពីថ្ងៃទី១៣មេសា ឆ្នាំ២០២១រហូតដល់មានការជូនដំណឹងថ្មី ដើម្បីបង្ការ និងទប់ស្កាត់ការឆ្លងរីករាលដាលមេរោគកូវីដ-១៩ ដល់បងប្អូនអាជីវករ អតិថិជនដទៃ ក៏ដូចជាប្រជាពលរដ្ឋចេញ-ចូលក្នុងផ្សារនេះ»។

 

ក្នុងអំឡុងពេលនៃការផ្អាកដំណើរផ្សារនេះ អភិបាលខេត្តកណ្តាល ប្រកាសធានារ៉ាប់រងលើការងារសន្តិសុខ និងសុវត្ថិភាពចំពោះសម្ភារ និងទំនិញគ្រប់ប្រភេទរបស់អាជីវករ ដែលបានរក្សាទុកក្នុងតូបនីមួយៗ  មិនឱ្យបាត់បង់ និងមិនតម្រូវឱ្យបង់ថ្លៃសេវាទៅឱ្យភាគីពាក់ព័ន្ធណាមួយឡើយ។ 

 

នាព្រឹកថ្ងៃទី១៣មេសា ឆ្នាំ២០២១ ក្រសួងសុខាភិបាល ប្រកាសរកឃើញមនុស្ស៣នាក់ទៀត នៅក្នុងខេត្តកណ្តាល ដែលឆ្លងកូវីដ-១៩ ដោយក្នុងមាន២នាក់ ជាអាជីវករនៅក្នុងផ្សារគគីរ៕

 

ក្រៅពីភ្នំពេញ ខេត្តដែលមានករណី២០កុម្ភៈ រួមមានខេត្តកណ្តាល ព្រះសីហនុ ព្រៃវែង ស្វាយរៀង សៀមរាប ត្បូងឃ្មុំ កំពង់ធំ កំពង់ចាម កែប តាកែវ បាត់ដំបង កំពត កំពង់ឆ្នាំង ពោធិ៍សាត់ ក្រចេះ និងព្រះវិហារ៕