COVID-19
ជាតិ
COVID-19៖ វិជ្ជមាន៣៤៤នាក់ ភ្នំពេញ និងស្វាយរៀងច្រើនជាងគេ ខណៈអ្នកជាសះស្បើយ២៩នាក់
× ភ្នំពេញ៖ អ្នកឆ្លងកូវីដ-១៩ ចំនួន៣៤៤នាក់ថែមទៀត នៅថ្ងៃទី១៥ មេសានេះ។ ក្នុងនោះភ្នំពេញ និងស្វាយរៀង មានអ្នកឆ្លងច្រើនជាងគេ។ ដោយឡែកអ្នកជាសះស្បើយមាន២៩នាក់ប៉ុណ្ណោះ។ នេះបើតាមក្រសួងសុខាភិបាល។
ក្រសួងសុខាភិបាល បានបញ្ជាក់ថា អ្នកជំងឺទាំង៣៤៤នាក់នេះ មានអ្នកឆ្លងក្នុងព្រឹត្តិការណ៍សហគមន៍ ២០ កុម្ភៈ ចំនួន៣៣៩នាក់ រីឯមនុស្ស៥នាក់ទៀត ជាករណីពលករមកពីថៃ និងករណីនាំចូលពីឥណ្ឌូណេស៊ី និងសិង្ហបុរី។
ដោយឡែកអ្នកឆ្លងក្នុងព្រឹត្តិការណ៍សហគមន៍នេះ មាននៅភ្នំពេញ ២៤៣នាក់ , ស្វាយរៀង៧១នាក់, កណ្ដាល៨នាក់, កោះកុង៥នាក់ , ព្រះសីហនុ ៦នាក់ , តាកែវ៣នាក់ ,ក្រចេះ២នាក់ និងសៀមរាប១នាក់។
បច្ចុប្បន្នកម្ពុជា មានអ្នកឆ្លងកូវីដ-១៩ ចំនួន៥២១៨នាក់ ក្នុងនោះឆ្លងក្នុងព្រឹត្តិការណ៍សហគមន៍ ២០ កុម្ភៈ ៤៦៧៦នាក់។ ចំណែកអ្នកជាសះស្បើយ២៣១៩នាក់ និងស្លាប់៣៦នាក់។
© រក្សាសិទ្ធិដោយ thmeythmey.com