នៅថ្ងៃទី២៤មេសា ឆ្នាំ២០២១ លោក គង់ សោភ័ណ្ឌ អភិបាលខេត្តកណ្ដាលបានចុះត្រួតពិនិត្យទីតាំងផ្សារបោះដុំបន្លែបណ្តោះអាសន្នដែលស្ថិតនៅភូមិកោះគនេះ ដើម្បីរៀបចំឡើងនិងជួយសម្រួលការលំបាកប្រជាកសិករ។ ផ្សារបោះដុំនេះ គឺសម្រាប់ប្រជាកសិកររស់នៅស្រុកស្អាង ស្រុកកៀនស្វាយ និងស្រុកកោះធំដែលរងផលប៉ះពាល់រីករាលកូវីដ-១៩ ចែកចាយកសិផលនិងផ្គង់ផ្គង់ដល់ភូមិសាស្រ្តក្រុងតាខ្មីទាំងមូល។ ជាមួយគ្នាដែរ នឹងអាចអនុញ្ញាតឱ្យលក់ពីម៉ោង៨យប់ រហូតដល់ម៉ោង៨ព្រឹករៀងរាល់ថ្ងៃ ដោយមានកម្លាំងសមត្ថកិច្ចត្រួតពិនិត្យនិងណែនាំដល់អាជីវករឲ្យរក្សាអនាម័យតាមក្រសួងសុខាភិបាល។ 

 

សូមបញ្ជាក់ថា អាជ្ញាធរសម្រេចបិទផ្សារបណ្ដោះអាសន្នជាបន្តបន្ទាប់ ក្រោយអ្នកឆ្លងកូវីដ-១៩កាន់តែកើនឡើង ជាក់ស្ដែងនៅភ្នំពេញអាជ្ញាធរសម្រេចបិទផ្សាររដ្ឋនិងផ្សារមិនរៀបរយទាំងអស់រយៈពេល១៤ថ្ងៃ ដើម្បីបង្ការការរាលដាលកូវីដ១៩។  រាជធានីភ្នំពេញនិងក្រុងតាខ្មៅនៃខេត្តកណ្តាល ត្រូវរដ្ឋាភិបាលបិទខ្ទប់បណ្តោះអាសន្ន ក្រោយជំងឺកូវីដ-១៩ រាលដាលកាន់តែខ្លាំង៕