COVID-19
ជាតិ
×![]()
ដោយ: សារព័ត៌មានថ្មីៗ
រដ្ឋបាលខណ្ឌទាំង១៤ក្នុងរាជធានីភ្នំពេញ បានធ្វើតារាងបែងចែងទីតាំងរបស់ខ្លួន ដោយផ្អែកលើករណីវិជ្ជមានកូវីដ-១៩ នារយៈពេល១០ថ្ងៃចុងក្រោយ។ តាមរដ្ឋបាលរាជធានីភ្នំពេញ សង្កាត់ចំនួន ៩ ត្រូវបានដាក់ជាតំបន់ក្រហម, ៤១សង្កាត់ជាតំបន់លឿងទុំ និង ៦៥សង្កាត់តំបន់លឿង។
តំបន់ក្រហម មានភូមិ១៤ ភូមិ១៦ និងភូមិ១៧ នៃសង្កាត់បឹងសាឡាង ក្នុងខណ្ឌទួលគោក។ ភូមិប្រការនៃសង្កាត់ព្រៃស និងភូមិម័ល ភូមិថ្មី និងភូមិនៃសំបូរសង្កាត់ដង្កោ ក្នុងខណ្ឌដង្កោ។ ខណ្ឌខណ្ឌមានជ័យ មានសង្កាត់៤ជាតំបន់ក្រហម គឺសង្កាត់ស្ទឹងមានជ័យទី១, ស្ទឹងមានជ័យទី២, ស្ទឹងមានជ័យទី៣ និងសង្កាត់បឹងទំពុនទី១។ ចំណែក សង្កាត់ទួលសង្កែទី១ នៃខណ្ឌឫស្សីកែវ និងសង្កាត់ចោមចៅទី១ នៃខណ្ឌពោធិ៍សែនជ័យ ក៏ចាត់ជាតំបន់ក្រហមដែរ។
យោងតាមសេចក្តីសម្រេចរបស់រដ្ឋាភិបាល កាលពីថ្ងៃទី២៦ ខែមេសា តំបន់ក្រហមសំដៅដល់ភូមិសាស្ត្រដែលមានការរាលដាលកូវីដ-១៩ ធ្ងន់ធ្ងរ លឿងទុំក្នុងកម្រិតមធ្យម និងលឿងសម្រាប់កម្រិតស្រាល៕
យោងតាមសេចក្តីសម្រេចរបស់រដ្ឋាភិបាល កាលពីថ្ងៃទី២៦ ខែមេសា តំបន់ក្រហមសំដៅដល់ភូមិសាស្ត្រដែលមានការរាលដាលកូវីដ-១៩ ធ្ងន់ធ្ងរ លឿងទុំក្នុងកម្រិតមធ្យម និងលឿងសម្រាប់កម្រិតស្រាល៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
