គ្រឿងឥស្សរិយយស «The Order of the Rising Sun, Gold and Silver Star» នឹងត្រូវប្រគល់ជូនលោក ឈាង វុន ដែលបានចូលរួមពង្រឹងទំនាក់ទំនងរវាងប្រទេសជប៉ុន និងព្រះរាជាណាចក្រកម្ពុជា និងជំរុញការផ្លាស់ប្តូររវាងសមាជិកសភា នៃប្រទេសទាំងពីរ។

 

«ខ្ញុំសង្ឃឹមថាយើងអាចបន្តធ្វើការយ៉ាងជិតស្និទ្ធជាមួយឯកឧត្តមក្នុងគោលដៅពង្រឹងកិច្ចសហប្រតិបត្តិការដ៏ល្អរបស់យើងបន្ថែមទៀតរវាងស្ថាប័នទាំងពីរក៏ដូចជាមិត្តភាពប្រពៃណីរវាងជប៉ុននិងកម្ពុជា»។ អគ្គរាជទូតជប៉ុនប្រចាំកម្ពុជាលោក Mikami Massahiro រៀបរាប់បែបនេះក្នុងលិខិតផ្ញើទៅជូនលោកឈាង វុន នៅថ្ងៃទី២៩ ខែមេសា។ 

 

ស្ថានទូតជប៉ុនប្រចាំកម្ពុជា បានបញ្ជាក់ថា ការប្រគល់គ្រឿងឥស្សរិយយសនេះសម្រាប់បុគ្គល ដែលមានគុណសម្បត្តិ ដើម្បីជាការទទួលស្គាល់នូវកិច្ចការបម្រើជាតិ និងបម្រើសង្គម ការសម្តែងនូវការគោរព និងកោតសរសើរចំពោះស្នាដៃលេចធ្លោរបស់បុគ្គលនោះក្នុងវិស័យផ្សេងៗ។