COVID-19
អន្តរជាតិ
អ្នកកើតកូវីដ-១៩ មានជាង១៥២លាននាក់ ដោយជាង៣៣លាននៅអាមេរិក និងជិត២០លាននៅឥណ្ឌា
× អ្នកកើតកូវីដ-១៩លើពិភពលោក ឡើងដល់ជាង១៥២លាននាក់ហើយ ដោយគិតត្រឹមថ្ងៃសៅរ៍ ទី១ ខែឧសភា នេះ ដែលក្នុងនោះស្លាប់មានជាង៣,១៩លាននាក់ និងសះស្បើយជាង២៥,៧លាននាក់។ សហរដ្ឋអាមេរិក និងឥណ្ឌា មានករណីឆ្លងច្រើនជាងគេ។
សហរដ្ឋអាមេរិក មានករណីឆ្លងជាង៣៣លាន ខណៈឥណ្ឌាឡើងជិត២០លាន និងប្រេស៊ីលជាង១៤,៦លាន។ បារាំងស្ថិតនៅលំដាប់ទី៤ ដោយមានអ្នកកើតកូវីដ-១៩ ជាង៥,៦លាននាក់ រីឯតួកគី រុស្ស៊ី ចក្រភពអង់គ្លេស និងអ៊ីតាលី ស្ថិតក្នុងរង្វង់៤លានដូចគ្នា។
អេស្ប៉ាញ និងអាល្លឺម៉ង់ មានជាង៣លានករណីរៀងៗខ្លួន ស្របពេលដែលអាហ្សង់ទីន កូឡុំប៊ី ប៉ូឡូញ អ៊ីរ៉ង់ និងម៉ិកស៊ិក សុទ្ធតែមានករណីឆ្លងពីជាង២លានទៅជិត៣លាននាក់។
បណ្តាប្រទេសផ្សេងទៀតដែលមានលើស១លានករណីរួមមាន ប៉េរូ ឥណ្ឌូណេស៊ី ឆេក អាហ្វ្រិកខាងត្បូង ហូឡង់ កាណាដា ស៊ីលី អ៊ីរ៉ាក់ រូម៉ានី និងហ្វីលីពីន ខណៈបែលហ្ស៊ិក និងស៊ុយអែត មានជាង៩០ម៉ឺនករណី។
ក្នុងចំណោមអ្នកស្លាប់ឃាង៣,១៩លាននាក់ សហរដ្ឋអាមេរិកមានជាង៥៩ម៉ឺននាក់ ប្រេស៊ីលជាង៤០ម៉ឺននាក់ ម៉ិកស៊ិកជាង២១,៦ម៉ឺននាក់ ឥណ្ឌាជាង២១ម៉ឺននាក់ ចក្រភពអង់គ្លេសជាង១២,៧ម៉ឺននាក់ អ៊ីតាលីជាង១២ម៉ឺននាក់ រុស្ស៊ីជាង១១ម៉ឺននាក់ និងបារាំងជាង១០ម៉ឺននាក់៕
© រក្សាសិទ្ធិដោយ thmeythmey.com