COVID-19
ជាតិ
អ្នកមានជំងឺតម្រងនោមរ៉ាំរៃស្លាប់ នៅពេលសម្រាកព្យាបាលកូវីដ-១៩ ក្នុងមន្ទីរពេទ្យបង្អែកខេត្តសៀមរាប ក្រុមគ្រូពេទ្យកំពុងរៀបចំសពដើម្បីបូជា។ រូបភាព៖ លោក ក្រុស សារ៉ាត់
× សៀមរាប៖ អ្នកវិជ្ជមានកូវីដ១៩ម្នាក់ ដែលមានបញ្ហាតម្រងនោមរ៉ាំរៃ បានស្លាប់ហើយនៅព្រលឹមថ្ងៃទី៣ ខែឧសភានេះ។ នេះបើតាមការបញ្ជាក់ពីប្រធានមន្ទីរសុខាភិបាលខេត្តសៀមរាប លោក ក្រុស សារ៉ាត់។
ថ្លែងប្រាប់សារព័ត៌មានថ្មីៗ លោក ក្រុស សារ៉ាត់ ពន្យល់ថា អ្នកជំងឺខាងលើស្លាប់ដោយសារជំងឺខូចតម្រងនោម មិនមែនស្លាប់ដោយសារជំងឺកូវីដ១៩ទេ។ លោកវេជ្ជបណ្ឌិត បន្ថែមថា៖« ស្លាប់ដោយសារជំងឺ អត់មានស្លាប់ដោយសារកូវីដទេ គាត់លាងឈាមមួយអាទិត្យ២ដង ខូចតម្រង់នោមអស់ អត់មានទឹកនោម...គាត់គ្រាន់តែមានវិជ្ជមានកូវីដ គាត់ស្លាប់ដោយសារតម្រង់នោមអត់ដំណើរការ»។
តាមការបញ្ជាក់ពីលោកប្រធានមន្ទីរសុខាភិបាល សពបុរសខាងលើត្រូវបានក្រុមគ្រូពេទ្យរៀបចំវេចខ្ចប់ត្រឹមត្រូវ ទៅតាមវិធានសុខាភិបាល និងបានយកទៅបូជានៅព្រឹកថ្ងៃទី៣ ខែឧសភា នេះនៅទីតាំងដែលគណៈកម្មការទប់ស្កាត់ជំងឺកូវីដ១៩បានរៀបចំ។
គួររំលឹកថា បុរសដែលស្លាប់ខាងលើនេះមានឈ្មោះ ស៊ាង គឹមសាន អាយុ ៤៧ឆ្នាំ រស់នៅភូមិលាបទង ឃុំកំពង់ចិនត្បូង ស្រុកស្ទោង ខេត្តកំពង់ធំ បានចូលមកសម្រាកព្យាបាលជំងឺតម្រងនោមនៅមន្ទីរពេទ្យបង្អែកខេត្តសៀមរាប ហើយក្រុមគ្រូពេទ្យបានរកឃើញវិជ្ជមានជំងឺកូវីដ១៩ នៅថ្ងៃទី២៨ ខែមេសា។ ថ្ងៃបន្ទាប់ ភរិយារបស់បុរសខាងលើអាយុ ៤០ឆ្នាំ ក៏តេស្ដឃើញវិជ្ជមានកូវីដ១៩ដែរ៕
© រក្សាសិទ្ធិដោយ thmeythmey.com