ក្នុងចំណោមអ្នកឆ្លងសរុបជាង១៥៥លាននាក់ សហរដ្ឋអាមេរិកឡើងដល់ជាង៣៣,៣លាននាក់ ឥណ្ឌាជាង២១លាននាក់ ប្រស៊ីលជិត១៥លាននាក់ និងបារាំងជាង៥,៧លាននាក់ ខណៈតួកគី និងរុស្ស៊ី ជិតឈានចូលដល់ខ្ទង់៥លានរៀងៗខ្លួន។

 

ចក្រភពអង់គ្លេស និងអ៊ីតាលី មានអ្នកឆ្លងជាង៤លាននាក់ដូចគ្នា ខណៈអេស្ប៉ាញ អាល្លឺម៉ង់ និងអាហ្សង់ទីន មានជាង៣លាននាក់។ កូឡុំប៊ី និងប៉ូឡូញ ជិតចូលដល់ចំនួន៣លាននាក់ ខណៈអ៊ីរ៉ង់ ម៉ិកស៊ិក និងអ៊ុយក្រែន មានជាង២លាននាក់

 

បណ្តាប្រទេសដែលមានជាង១លានករណី រួមមាន ប៉េរូ ឥណ្ឌូណេស៊ី ឆេក អាហ្វ្រិកខាងត្បូង ហូឡង់ កាណាដា ស៊ីលី អ៊ីរ៉ាក់ ហ្វីលីពីន រូម៉ានី និងបែលហ្ស៊ិក ហើយប្រដេញតាមពីក្រោយដោយស៊ុយអែត។

 

ក្នុងចំណោមអ្នកស្លាប់ជាង៣,២៥លាននាក់ សហរដ្ឋអាមេរិកមានជិត៦០ម៉ឺននាក់ ប្រេស៊ីលជាង៤១ម៉ឺននាក់ ឥណ្ឌាជាង២៣ម៉ឺននាក់ ម៉ិកស៊ិកជិត២២ម៉ឺននាក់ ចក្រភពអង់គ្លេស និងអ៊ីតាលី មានជាង១២ម៉ឺននាក់ រុស្ស៊ីជាង១១ម៉ឺននាក់ និងបារាំងជាង១០ម៉ឺននាក់៕