អ្នកដំណើរពីសហភាពអឺរ៉ុប ដែលមានអត្រាករណីឆ្លងកូវីដ-១៩ ក្រោយ៥០០ករណីក្នុងចំណោមពលរដ្ឋ១០ម៉ឺននាក់ អាចធ្វើដំណើរកម្សាន្តទៅកាន់ប្រទេសព័រទុយហ្គាល់បានដោយគ្មានបញ្ហា។

 

ទោះបីជាយ៉ាងណាក៏ដោយ សេចក្តីប្រកាសព័ត៌មានរបស់រដ្ឋមន្ត្រីមហាផ្ទៃព័រទុយហ្គាល់ បានអះអាងថា ការរឹតត្បិត និងការដាក់កំហិតមួយចំនួននឹងនៅតែបន្តសម្រាប់ប្រទេសចំនួននៅអឺរ៉ុប រួមមាន ស៊ីប ក្រូអាត លីទុយអានី ហូឡង់ និងស៊ុយអែត ហើយក៏រាប់បញ្ចូលទាំងប្រទេសដែលមានករណីបំប្លែងកូវីដ-១៩ថ្មី ប្រេស៊ីល ឥណ្ឌា និងអាហ្វ្រិកខាងត្បូងផងដែរ។

 

គិតត្រឹមល្ងាចថ្ងៃទី១៥ ខែឧសភា ព័រទុយហ្គាល់មានអ្នកឆ្លងកូវីដ-១៩សរុបជាង៨៤ម៉ឺននាក់ ក្នុងនោះស្លាប់ជិត១៧០០០នាក់ និងសះស្បើយជាង៨០ម៉ឺននាក់។ បារាំងជាប្រទេសដែលមានករណីច្រើនជាងគេនៅអឺរ៉ុបដោយមានជាង៥,៨លានករណី រីឯចក្រភពអង់គ្លេស និងអ៊ីតាលី មានអ្នកស្លាប់ច្រើនជាងគេ ក្នុងរង្វង់ជាង១២ម៉ឺននាក់រៀងៗខ្លួន៕