ជាតិ
សុខភាព
រូបភាព endocrinologyadvisor.com
×![]()
ដោយ: ថ្មីៗ
ការសិក្សាតូចមួយណែនាំថា ការគេងបានតិចពេកអាចធ្វើឱ្យអ្នកឃ្លានខ្លាំងជាងធម្មតា និងអាចជាកត្តាដែលធ្វើឱ្យអ្នកឡើងទម្ងន់។
ក្រុមស្រាវជ្រាវនៅសាកលវិទ្យាល័យ Uppsala នៅស្វីស បានប្រើការស្កេន MRI ដើម្បីសង្កេតមើលខួរក្បាលរបស់បុរសដែលមានទម្ងន់ធម្មតា ១២នាក់ នៅពេលដែលពួកគេសម្លឹងមើលរូបភាពអាហារ។ វាត្រូវបានធ្វើឡើងក្នុងពេលពីរគឺ ក្រោយពេលយប់ដែលបានគេងធម្មតា និងក្រោយពេលយប់ដែលមិនបានគេង។
លទ្ធផលបានបង្ហាញថា តំបន់នៃខួរក្បាលជាក់លាកមួយដែលមានតួនាទីគ្រប់គ្រងការឃ្លានបង្ហាញសកម្មភាពឆ្លើយតបទៅនឹងរូបភាពអាហារក្រោយពេលយប់ដែលមិនបានគេង ខ្លាំងជាងក្រោយពេលយប់ដែលបានគេងធម្មតា។
វាណែនាំថា ទម្លាប់គេងមិនល្អអាចប៉ះពាល់ទៅលើហានិភ័យនៃការឡើងទម្ងន់ដែលនឹងកើតក្នុងរយៈពេលយូរ។
អ្នកស្រាវជ្រាវ គ្រីស្ទៀន ប៊ីនីឌីគ (Christian Benedict) និយាយថា “ក្រោយពេលមួយយប់នៃការមិនបានគេង បុរសទាំងនេះបានបង្ហាញពីកម្រិតនៃសកម្មភាពខ្លាំងក្នុងតំបន់ខួរក្បាលដែលទាក់ទងនឹងចំណង់នៃការបរិភោគអាហារ។ អ្នកត្រូវចាំថា ការគេងមិនបានគ្រប់គ្រាន់គឺជាបញ្ហាដែលកាន់តែកើនឡើងក្នុងសង្គមទំនើប។ ដូច្នេះ វាប្រហែលជាមានសារសំខាន់ក្នុងការគេងឱ្យបានប្រហែល ៨ម៉ោង រៀងរាល់យប់ដើម្បីថែរក្សាទម្ងន់រាង្គកាយឱ្យមានលំនឹងនឹងមានសុខភាពល្អ”។
ត្រួតពិនិត្យដោយ www.health.com.kh
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
