ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ខ្វះជាតិស្ករក្នុងឈាម គឺជាលក្ខខណ្ឌមួយដែលកំណត់ដោយការមានកម្រិតទាបខុសពីធម្មតានៃជាតិស្ករក្នុងឈាម (គ្លុយកូស) ដែលជាប្រភពថាមពលដ៏សំខាន់របស់រាងកាយ។ ខ្វះជាតិស្ករក្នុងឈាម ជាទូទៅអាចជាប់ទាក់ទងនឹងការព្យាបាលជំងឺទឹកនោមផ្អែម។ ទោះជាយ៉ាងណា វាអាចមកពីលក្ខខណ្ឌផ្សេងគ្នាជាច្រើន តែកម្រនឹងកើតមានដែលអាចបណ្តាលអោយជាតិស្ករក្នុងឈាមចុះទាប នៅលើមនុស្សដែលមិនមានជំងឺទឹកនោមផ្អែម។
វាដូចគ្នានឹងគ្រុនក្តៅដែរ ខ្វះជាតិស្ករក្នុងឈាម គឺមិនមែនជាជំងឺនោះទេ តែវាអាចមកពីបញ្ហាសុខភាពណាមួយ។ ប្រសិនបើអ្នកមានជំងឺទឹកនោមផ្អែមប្រសិទ្ធភាពនៃអាំងស៊ុយលីន (Insulin) ទៅលើរាងកាយរបស់អ្នក ត្រូវបានថយចុះយ៉ាងខ្លាំង ដែលអាចមកពីលំពែងមិនអាចផលិតវាបានគ្រប់គ្រាន់ (ជំងឺទឹកនោមផ្អែមប្រភេទទី១) ឬដោយសារតែកោសិការបស់អ្នក មានការឆ្លើយតបនឹងវាតិចតួចពេក (ជំងឺទឹកនោមផ្អែមប្រភេទទី២)។ ជាលទ្ធផល វាធ្វើអោយជាតិស្ករកើនឡើងខ្ពស់នៅក្នុងចរន្តឈាមរបស់អ្នក ហើយអាចនឹងឈានដល់កម្រិតខ្ពស់ដែលមានគ្រោះថ្នាក់។
ដើម្បីកែបញ្ហានេះអ្នកត្រូវចាំបាច់ប្រើថ្នាំអាំងស៊ុយលីន ឬថ្នាំផ្សេងទៀតដែលមានសមត្ថភាព ដើម្បីបន្ថយកម្រិតជាតិស្ករក្នុងឈាម។ ប្រសិនបើអ្នកប្រើអាំងស៊ុយលីនច្រើនពេកលើសពីចំនួនសមមាត្រនៃជាតិស្ករនៅក្នុងឈាម វាអាចបង្កអោយមានកម្រិតជាតិស្ករនៅក្នុងឈាមធ្លាក់ចុះទាបខ្លាំង។ ខ្វះជាតិស្ករក្នុងឈាមនេះ ក៏អាចកើតមានផងដែរ បន្ទាប់ពីប្រើថ្នាំជំងឺទឹកនោមផ្អែម ប្រសិនបើអ្នកមិនបរិភោគអាហារបានច្រើនដូចជាធម្មតាទេនោះ។ ដើម្បីបងា្កបញ្ហាទាំងនេះ វេជ្ជបណ្ឌិតរបស់អ្នកនឹងធ្វើការតាមដានជាមួយអ្នក ដើម្បីរកកម្រិតថ្នាំដែលល្អបំផុត ដែលសមនឹងការញ៉ាំ និងសកម្មភាពធម្មតារបស់អ្នក៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
