ក្នុងសេចក្ដីប្រកាសរបស់លោក Delfin Lorenzana យន្តហោះយោធាធុន C-130 Hercules របស់ទ័ពអាកាសហ្វីលីពីន ជួបបញ្ហាពេលចុះចតលើកោះ Jolo ក្នុងខេត្ត Sulu នៅប្រហែលថ្ងៃត្រង់ថ្ងៃទី៤ ខែកក្កដា។ យន្តហោះដឹកជញ្ជូននេះ មានមនុស្ស៩៣នាក់ដែលភាគច្រើនជាយោធា។​ 

 

«មកទល់ពេលនេះ ៤០នាក់ រងរបួស និងត្រូវបានសង្រ្គោះ ហើយសាកសព១៧ត្រូវ ត្រូវបានយកចេញ។ ការសង្រ្គោះកំពុងធ្វើឡើង។» លោក Lorenzana ប្រកាសបែបនេះ។ ចំណែកមេបញ្ជាការកងទ័ពហ្វីលីពីន Cirilito Sobejana អះអាងថា យន្តហោះចុះខុសផ្លូវពេលព្យាយាមចុះចត ក្រោយធ្វើដំណើរពីកោះមិនដាណាវ។ 

 

យន្តហោះ C-130 Hercules ដែលត្រូវស្គាល់ថាសេះហោះ ជាប្រភេទយន្តហោះដឹកជញ្ជូនកងទ័ព និងសម្ភារយោធា។ កងទ័ពហ្វីលីពីន ក៏ប្រើយន្តហោះនេះក្នុងប្រតិបត្តិការមនុស្សធម៌ និងជួយសង្រ្គោះក្នុងគ្រោះមហន្តរាយផងដែរ។ 

 

អ្នកនាំពាក្យកងទ័ពហ្វីលីពីន Edgard Arevalo និយាយថា មិនមានសញ្ញាបង្ហាញពីការវាយប្រហារលើយន្តហោះឡើយ ប៉ុន្តែការស៊ើបអង្កេតនឹងធ្វើឡើងនៅពេលបន្ទាប់ ដោយការយកចិត្តទុកផ្ដោតការសង្រ្គោះសិន៕