មេដាយមាសទី២របស់ចិន ធ្វើបានដោយកីឡាការិនីលើកទម្ងន់ ខណៈឥណ្ឌូណេស៊ីឈ្នះសំរឹទ្ធិ

កីឡាអន្តរជាតិ

អន្តរជាតិ

មេដាយមាសទី២របស់ចិន ធ្វើបានដោយកីឡាការិនីលើកទម្ងន់ ខណៈឥណ្ឌូណេស៊ីឈ្នះសំរឹទ្ធិ

24, Jul 2021 , 3:29 pm

រូបភាព

ដោយ: ទេព ពិទូរ្យ

កីឡាការិនីចិន Hou Zhihui ឈ្នះមេដាយមាស ពីកីឡាលើកទម្ងន់ លើវិញ្ញាសា៤៩គីឡូក្រាម និងជាមេដាយមាសទី២របស់ចិន ក្នុងព្រឹត្តិការណ៍កីឡអូឡាំពិកក្រុងតូក្យូ។ កីឡាការិនីឥណ្ឌា Saikhom Mirabai ទទួលបានមេដាយប្រាក់ ខណៈ Cantika Aisah របស់ឥណ្ឌូណេស៊ីឈ្នះមេដាយសំរឹទ្ធិ។

Zhihui លើកបានទម្ងន់២១០គីឡូក្រាម ដោយប្រជែងឈ្នះកីឡាការិនីឥណ្ឌា Mirabai ដែលលើកបាន២០២គីឡូក្រាម។ Aisah របស់ឥណ្ឌូណេស៊ីធ្វើបាន១៩៤គីឡូក្រាម លើវិញ្ញាសាលើក៤៩គីឡូក្រាម ដើម្បីឈ្នះមេដាយសំរឹទ្ធិលើកដំបូងឱ្យប្រទេសខ្លួន។

នេះជាមេដាយមាសទី២របស់ចិន បន្ទាប់ពីកីឡាការិនី Yang Qian បានឈ្នះមេដាយមាសដំបូងគេក្នុងព្រឹត្តិការណ៍កីឡារដូវក្តៅ ឆ្នាំ២០២០ លើប្រភេទកីឡាបាញ់កាំភ្លើងវែង វិញ្ញាសា១០ម៉ែត្រ។

ដោយឡែកកីឡាករអ៊ីរ៉ង់ Javad Foroughi បានឈ្នះមេដាយមាសលើកដំបូងសម្រាប់ប្រទេសខ្លួនផងដែរ លើវិញ្ញាសាបាញ់កាំភ្លើងខ្យល់ចម្ងាយ១០ម៉ែត្រ។ មេដាយប្រាក់បានទៅកីឡាករស៊ែប៊ី Damir Mikec រីឯកីឡាករចិន Pang Wei ឈ្នះមេដាយសំរឹទ្ធិ៕