រថយន្តដែលគ្មានអ្នកបើកបរ Nuro R2 អាចដឹកជញ្ជូនភីហ្សាទៅដល់ដៃអតិថិជនដែលបញ្ជាទិញពីបណ្តាហាងនៅតំបន់ Woodland Heights ក្នុងក្រុង Houston ប៉ុន្តែសម្រាប់អ្នកដែលបានបង់ប្រាក់មុន ហើយមានទីតាំង និងពេលវេលាជាក់លាក់តែប៉ុណ្ណោះ។

 

ក្រុមហ៊ុន Domino និង Nuro បានសហការគ្នាលើបច្ចេកវិទ្យានេះ ចាប់តាំងពីឆ្នាំ២០១៩មក។ អតិថិជនដែលបានបញ្ជាទិញ និងបង់ប្រាក់តាមអនឡាញរួចរាល់ នឹងទទួលបានលេខកូដសម្ងាត់ ហើយពេលរថយន្តទៅដល់ទីតាំង ពួកគេអាចប្រើលេខកូដនោះ ដើម្បីចុចបើកទ្វាររថយន្ត។

 

Nuro R2 ជារថយន្តដែលគ្មានអ្នកបើកបរលើកដំបូងដែលទទួលបានការអនុញ្ញាតឲ្យដណើរការពីនាយកដ្ឋានដឹកជញ្ជូនសហរដ្ឋអាមេរិក កាលពីខែកុម្ភៈ ឆ្នាំ២០២០។ វាមានបំពាក់បច្ចេកវិទ្យាសុវត្ថិភាពផ្សេងៗ ដើម្បីទប់ស្កាត់ការក្លែងបន្លំផងដែរ។

 

តាមពិតទៅ រថយន្ត Nuro ត្រូវបានប្រើប្រាស់រួចហើយលើករដឹកជញ្ជូនឥវ៉ាន់នានាពីហាង CVS Pharmacy ក្នុងក្រុង Houston ហើយកាលពីខែមេសា វាត្រូវបានប្រើប្រាស់សម្រាប់សម្ភារវេជ្ជសាស្ត្រទៅកាន់កីឡដ្ឋានពីរកន្លែងនៅរដ្ឋ California ដើម្បីព្យាបាលអ្នកកើតកូវីដ-១៩៕