រដ្ឋបាលខេត្តសៀមរាប បញ្ជាក់ថាវិធានការនេះ គឺមានរយៈពេល២សប្តាហ៍ ចាប់ពីថ្ងៃទី២៩ កក្កដា ដល់ថ្ងៃទី១២ សីហា ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។ ក្រៅពីការបែងចែកតំបន់ដែលមានហានិភ័យខ្ពស់នោះ រដ្ឋបាលខេត្ត ក៏បានដាក់ចេញ និងអនុវត្តន៍វិធានការរដ្ឋបាល រយៈពេល២សប្តាហ៍ផងដែរ។  
 

គួរកត់សម្គាល់នៅថ្ងៃទី២៩ កក្កដាម្សិលមិញ ខេត្តទេសចរណ៍មួយនេះ បន្តរកឃើញអ្នកវិជ្ជមានកូវីដ-១៩ ចំនួន៩៨នាក់ទៀត និងមានអ្នកជាសះស្បើយ២៣នាក់ ព្រមទាំងស្លាប់១នាក់ផងដែរ។ ក្នុងចំណោមអ្នកឆ្លងថ្មីនេះ មាន៦៣នាក់ ជាករណីនាំចូលពីប្រទេសថៃ។ ចំណែកករណីស្លាប់ គឺជាស្ត្រីវ័យ៥៣ឆ្នាំ រស់នៅភូមិគោកថ្មី ឃុំតាសោម ស្រុកអង្គរជុំ ខេត្តសៀមរាប។
 

សូមជម្រាបថា នេះ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន៤,២១៩នាក់ បានព្យាបាលជាសះស្បើយចំនួន២,១៥៨នាក់ ស្លាប់៤៦នាក់ និង២,០១៥នាក់ កំពុងសម្រាកព្យាបាល៕