អត្តពលិកដែលមានចំណាត់ថ្នាក់បន្ទាប់ពីកីឡាការិនីកូរ៉េខាងត្បូង An San មានអត្តពលិកពីគណៈកម្មការអូឡាំពិករុស្ស៊ី កីឡាការិនីបាញ់កំាភ្លើង Batsarashkina Vitalina, កីឡាករហែលទឹក Rylov Evgeny និងកីឡាការិនីហែលទឹកចិន Zhang Yufei ដែលឈ្នះមេដាយមាស២ និងប្រាក់១រៀងៗខ្លួន។
 

 

កីឡាការិនីហែលទឹកអូស្ត្រាលី McKeon Emma ឈ្នះមេដាយរហូតដល់ទៅ៤ ដោយមានមាស២ និងសំរឹទ្ធ២។ រីឯអត្តពលិកដែលឈ្នះមេដាយមាសម្នាក់២ផ្សេងទៀត រួមមាន កីឡាករហែលទឹកចក្រភពអង់គ្លេស Dean Tom, កីឡាករហែលទឹកអាមេរិក Dressel Caeleb, កីឡាការិនីបាញ់ធ្នូកូរ៉េខាងត្បូង Kim Je Deok, កីឡាការិនីហែលទឹកជប៉ុន Ohashi Yui, កីឡាការិនីជិះសេះអាល្លឺម៉ង់ Jessica von Bredow-Werndl និងកីឡាការិនីបាញ់កាំភ្លើងចិន Yang Qian។

 

កីឡាការិនីកាយសម្ព័ន្ធដែលមានឪពុកម្តាយដើមកំណើតម៉ុង Lee Sunisa ស្ថិតក្នុងចំណោមអត្តពលិកជាង៤០នាក់ទៀតដែលឈ្នះមេដាយលើសពី១ពីព្រឹត្តិការណ៍កីឡាអូឡាំពិកក្រុងតូក្យូ ដោយគិតត្រឹមរសៀលថ្ងៃទី៣០ ខែកក្កដា នេះ ដោយនាងឈ្នះមេដាយមាស១ និងប្រាក់១សម្រាប់សហរដ្ឋអាមេរិក៕