COVID-19
ជាតិ
ភូមិ«ស្ពានគ្រង»ក្នុងស្រុកស្ទោង ត្រូវកំណត់ជាតំបន់ក្រហម រយៈពេល១៤ថ្ងៃ ការកំណត់ភូមិស្ពានគ្រង ជាតំបន់ក្រហម
× ភ្នំពេញ៖ រដ្ឋបាលខេត្តកំពង់ធំ សម្រេចដាក់ភូមិស្ពានគ្រង នៃឃុំចំណាក្រោម ស្រុកស្ទោង ជាតំបន់ក្រហម រយៈពេល១៤ថ្ងៃ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។ នេះបើតាមសេចក្ដីសម្រេចរបស់រដ្ឋបាលខេត្តកំពង់ធំ ចេញផ្សាយថ្ងៃទី៣០ ខែកក្កដា។
ក្រោយមានការឆ្លងរាលដាលនៃជំងឺកូវីដ-១៩ ក្នុងភូមិសាស្រ្តភូមិស្ពានគ្រង នៃឃុំចំណាក្រោម ស្រុកស្ទោង រដ្ឋបាលខេត្តកំពង់ធំ បានកំណត់ដាក់ភូមិស្ពានគ្រង ជាតំបន់ក្រហម ចាប់ពីថ្ងៃទី៣០ កក្កដា ដល់ថ្ងៃទី១២ សីហា។ ក្រៅពីកំណត់ជាតំបន់ក្រហម រដ្ឋបាលខេត្តកំពង់ធំ ក៏បានដាក់ចេញនូវវិធានការរដ្ឋបាល រយៈពេល១៤ថ្ងៃផងដែរ។
សូមបញ្ជាក់ថា គិតត្រឹមថ្ងៃទី៣០ ខែកក្កដា ខេត្តកំពង់ធំ មានអ្នកវិជ្ជមានកូវីដ-១៩ សរុបចំនួន ១,៨៨៨នាក់ អ្នកជាសះស្បើយចំនួន ១,១៦៩ និងស្លាប់ចំនួន ៤៥នាក់៕
Tag:
ស្ពានគ្រង
ស្ទោង
តំបន់ក្រហម
© រក្សាសិទ្ធិដោយ thmeythmey.com