២០ឆ្នាំក្រោយត្រូវអាមេរិកបណ្ដេញចេញពីអំណាច ក្រុមតាលីបង់ កំពុងមានសង្ឃឹមដឹកនាំអាហ្វហ្កានីស្ថានឡើងវិញ។ ខាងក្រោមនេះ ជាមេដឹកនាំកំពូលរបស់ក្រុមជីវពលមួយនេះ៖

 

 

Akhundzada ត្រូវបានតែងតាំងជាមេដឹកនាំកំពូលរបស់ក្រុមតាលីបង់នៅឆ្នាំ២០១៦ ជំនួស Mullah Mansour Akhtar ដែលស្លាប់ក្នុងការវាយប្រហាររបស់អាមេរិក។ មុនដឹកនាំតាលីបង់ Akhundzada គ្រាន់តែជាបព្វជិតសាសនាតូចតាចប៉ុណ្ណោះ។ មេដឹកនាំរូបនេះ កម្រចេញមុខណាស់ លើកលែងការចេញសារក្នុងថ្ងៃបុណ្យសាសនាឥស្លាមប៉ុណ្ណោះ។ 

 

 

Abdul Ghani Baradar ឬ Mullah Baradar មានដើមកំណើតនៅ Kandahar ដែលជាទឹកដីកំណើតរបស់ក្រុមតាលីបង់តែម្ដង។ Baradar ចូលប្រឡូកក្នុងការប្រយុទ្ធតាំងជាសម័យគ្រប់គ្រងរបស់សហភពសូវៀតមក ហើយបង្កើតចលនាតាលីបង់នៅដើមទសវត្សរ៍១៩៩០ ជាមួយ Mullah Omar ក្រោយសូវៀតចាកចេញ។ Baradar ត្រូវបានប៉ាគីស្ថានចាប់ខ្លួននៅឆ្នាំ២០១០ ហើយត្រូវដោះលែងវិញនៅឆ្នាំ២០១៨ រួចទៅជ្រកកោននៅកាតា ទីដែលលោកកាន់តំណែងជាប្រធានផ្នែកនយោបាយ។

 

Baradar នេះហើយជាអ្នកត្រួតពិនិត្យការចុះកិច្ចព្រមព្រៀងជាមួយអាមេរិក។ 

 

 

Haqqani ជាកូនប្រុសមេបញ្ជាការប្រឆាំងទ័ពសូវៀតល្បីល្បាញ Jalaluddin Haqqani ។ សព្វថ្ងៃ ជាអនុប្រធានក្រុមតាលីបង់ និងជាមេដឹកនាំបណ្ដា Haqqani ដ៏មានឥទ្ធិពល។ បណ្ដាញ Haqqani ត្រូវបានអាមេរិកបញ្ចូលក្នុងបញ្ជីអង្គការភេរវកម្ម ហើយត្រូវចាត់ទុកជាអង្គភាពដ៏សាហាវមួយរបស់តាលីបង់ក្នុងសង្រ្គាមប្រឆាំងលោកខាងលិចនៅ២ទសវត្សរន៍មកនេះ។

 

បណ្ដាញ Haqqani មានជំនួញជាច្រើនក្នុងដៃដែលអនុញាតឱ្យក្រុមនេះអាចធ្វើប្រតិបត្តិការដោយឯករាជ្យ ហើយមានឥទ្ធិពលខ្លាំងនៅក្រុមប្រឹក្សាមេដឹកនាំរបស់តាលីបង់។ ក្រុមនេះ គ្រប់គ្រងប្រតិបត្តិការនៅតំបន់ភ្នំភាគខាងកើតអាហ្វហ្កានីស្ថាន។

 

 

ជាកូនប្រុសស្ថាបនិក Yaqoob ក្ដាប់កិច្ចការយោធារបស់ក្រុមតាលីបង់ និងបណ្ដាញមេបញ្ជាការដែលទទួលបន្ទុកអនុវត្តប្រតិបត្តិការនានា៕