ក្លិបមេឃខៀវ Manchester City គឺជាក្រុមតែ១គត់ ដែលចាប់អារម្មណ៍នឹងចង់បាន Harry Kane ខ្លាំងបំផុត។ ក្រុមរហ័ស្សនាមមេឃខៀវនេះ ហ៊ានចំណាយទឹកប្រាក់រហូតដល់ទៅ ១៥០លានផោន(២០៧លានដុល្លារ) សម្រាប់នាំយក Kane មកកាន់ទឹកដី Etihad Stadium ។ ប៉ុន្តែដោយសារបញ្ហាទីផ្សារដោះដូរខិតកាន់តែកៀក បានធ្វើឲ្យការចរចារវាងក្លិបMan City និង Harry Kane ត្រូវបានខកខាន។

 

Harry Kane ខ្សែប្រយុទ្ធក្រុមមាន់ក្នាយមាសនេះ បានចេញមកបកស្រាយជុំវិញរឿងរ៉ាវទាំងនេះ ដោយបានសរសេនៅលើបណ្តាញសង្គម Tweet ថា៖«ពិតជាមិនគួរឲ្យជឿនៅពេលដែលបានឃើញការស្វាគមន៍ពីសំណាក់អ្នកគាំទ្រ Spur ទាំងអស់កាលពីថ្ងៃអាទិត្យសប្តាហ៍មុននេះ ហើយខ្ញុំបានអានសារជាច្រើនដែលបានផ្ញើមកកាន់រូបខ្ញុំ នៅប៉ុន្មានសប្តាហ៍ក្រោយនេះ។ ខ្ញុំនឹងស្នាក់នៅជាមួយ Spur ក្នុងរដូវកាលនេះ ហើយខ្ញុំក៏នឹងផ្តោតអារម្មណ៍ក្នុងការជួយក្រុមសម្រេចបាននៅអ្វីដែលយើងធ្លាប់ស្រមៃចង់បានជាយូឆ្នាំមកហើយ»។

 

សូមជម្រាបដែរថា ក្រោយការប្រកួតពានរង្វាន់ Euro 2020 ត្រូវបានបញ្ចប់នោះ ខ្សែប្រយុទ្ធ និងជាប្រធានក្រុមជម្រើសជាតិអង់គ្លេសរូបនេះ ធ្លាប់បាននិយាយពីបំណងចង់ស្វែងរកបទពិសោធន៍ថ្មីក្នុងអាជីពរបស់គេ ហើយក៏ត្រូវបានលោក Pep Guardiola គ្រូបង្វឹក Man City បានចាប់អារម្មណ៍លើរូបគេតែម្ដង ដើម្បីមកបំពេញតំបន់ប្រយុទ្ធ។