ខ្សែបម្រើវ័យ៣៤ឆ្នាំ ដែលលេងឲ្យក្រុម Inter Milan របស់លីគកំពូលអ៊ីតាលីរូបនេះ បានបង្ហោះវីដេអូនៅលើបណ្តាញសង្គម Instagram ប្រហែល៣០វិនាទី កាលពីថ្ងៃទី១ កញ្ញា ដោយរូបគេបានធ្វើម្ហូបជាមួយចុងភៅសញ្ជាតិតួកគីដ៏ល្បីឈ្មោះមួយរូបគឺ លោក CZN Burak។ 
 

ស្របពេលដែលបង្ហោះវីដេអូជាមួយចុងភៅ CZN Burak កីឡាករខ្សែបម្រើរូបនេះក៏បានសរសេរដូច្នេះថា៖«អរគុណខ្លាំងណាស់មិត្តភក្កិសម្រាប់ម្ហូបពេលល្ងាចដ៏ឆ្ងាញ់មួយនេះ។ខ្ញុំពិតជាសប្បាយចិត្តខ្លាំងណាស់ដែលបានមកដល់ភោជនីដ្ឋានរបស់អ្នកផ្ទាល់ក្នុងទីក្រុងឌូបៃនេះ។ អាហារពិតជាឆ្ងាញ់ខ្លាំងណាស់ ហើយអ្នកគឺជាមនុស្សល្អបំផុតមួយរូប»។
 

អ្វីដែលធ្វើឱ្យគេចាប់អារម្មណ៍នោះ គឺក្រុមជម្រើសជាតិស៊ីលី ត្រូវយកចិត្តទុកដាក់លើការហ្វឹកហាត់ ដើម្បីឆ្លងការវគ្គជម្រុះពានរង្វាន់ World Cup 2022 ប៉ុន្តែបែរជាអតីតខ្សែបម្រើក្លិបអ្នកមានបុណ្យ Barcelona រូបនេះ យកពេលវេលាធ្វើដំណើរកម្សាន្តចុងសប្ដាហ៍ ជាលក្ខណឯកជនទៅវិញ។
 

ក្រោយពីបញ្ចប់ដំណើរកម្សាន្តនាទីក្រុងឌូបៃរួចមក Vidal ក៏បានធ្វើដំណើរទៅកាន់ជំរុំហ្វឹកហាត់ជាមួយក្រុមជម្រើសជាតិស៊ីលី នាប្រទេសរបស់ខ្លួន ដើម្បីត្រៀមប្រកួតជាមួយក្រុមជម្រើសជាតិប្រេស៊ីល ក្នុងវគ្គជម្រុះ World Cup 2022 ដើម្បីដណ្ដើមកៅអីទៅប្រកួតនៅប្រទេសកាតា៕