ក្នុងពិធីតែងតាំង និងផ្លាស់ប្ដូរមុខតំណែងស្នងការខេត្តនេះ មានការចូលរួមពីលោក នេត សាវឿន អគ្គស្នងការដ្ឋាននគរបាលជាតិ អភិបាលខេត្ត និងមន្រ្តីពាក់ព័ន្ធមួយចំនួនតូចប៉ុណ្ណោះ ដោយគោរពតាមវិធានការសុខាភិបាល។ អ្នកសារព័ត៌មានមិនអនុញ្ញាតឱ្យចូលរួមចូលយកព័ត៌មានទូលំទូលាយក្នុងពិធីនេះទេ។

 

លោក តេង ច័ន្ទណាត ឡើងជាស្នងការរងទទួលបន្ទុកផែននគរបាលចរាចរណ៍នាអំឡុងឆ្នាំ ២០១៥ និងជាស្នងការថ្មីដែលមានវ័យក្មេងផងដែរ។ លោកមានអាយុជាង៤០ឆ្នាំ។ លោកត្រូវបានក្រសួងមហាផ្ទៃដែលមានសម្ដេច ស ខេង ប្រកាសតែងតាំងជាស្នងការខេត្ត នៅថ្ងៃទី៩ កញ្ញា ឆ្នាំ២០២១។ 

 

គេមិនទាន់ដឹងថា លោក ទិត្យ ណារ៉ុង នឹងត្រូវទៅកាន់តួនាទីអ្វីនោះទេ ក្រោយពេលដល់អាយុចូលនិវត្តន៍។ គេនៅចាំថា លោកឡើងជាស្នងការខេត្តជំនួស លោក ហ៊ូ វ៉ាន់នី ជាស្នងការមុននៅដើមខែ កក្កដា ឆ្នាំ២០១៧៕