តើវាគឺជាជំងឺអ្វីទៅ?
ជំងឺភ្នែកក្រហម ឬរលាកភ្នែក ត្រូវបានគេហៅថា ជំងឺភ្នែកពណ៌ផ្កាឈូក គឺដោយសារតែការរលាកទៅលើ ភ្នាសគ្រាប់ភ្នែក និងនៅជុំវិញត្របកភ្នែក។ ជាធម្មតា វាបណ្តាលមកពី ការឆ្លមងមេរោគ វីរុស ឬបាក់តេរី។ ជំងឺភ្នែកក្រហម អាចឆ្លងបានយ៉ាងងាយ។
រោគសញ្ញា
• ផ្នែកសនៃភ្នែក ឡើងក្រហម
• គ្រាប់ភ្នែកទាំងមូលឡើងក្រហម
• រមាស់ភ្នែក
• ហូរទឹកភ្នែគ
• គ្រាប់ភ្នែកឡើងជាំឈាម
• ហូរទឹករំអិលភ្នែកលឿងៗ។
វិធីការពារ និងព្យាបាល
• ទុកកូនតូចរបស់អ្នក ឲ្យនៅក្នុងផ្ទះ
• កុំឲ្យកូនប្រើប្រាស់ ឬចែករំលែក របស់របរប្រើប្រាស់ជាមួយអ្នកដ៏ទៃ
• លាងសម្អាតដៃកូនអ្នក ឲ្យបានញឹកញាប់
• បើឈឺភ្នែកម្ខាង ចូរឲ្យកូនរបស់អ្នក គេងផ្អៀងទៅភ្នែកឈឺ គឺដើម្បីការពារ កុំឲ្យភ្នែកដែលឈឺនោះ ហូរទឹករំអិលឆ្លងទៅភ្នែកម្ខាងទៀត
• លាងសម្អាតភ្នែកកូន ដោយទឹកឆ្អិនស្អាត ដើម្បីសម្លាប់បាក់តេរី។
ត្រូវទៅជួបពេទ្យភ្លាម ប្រសិនបើអ្នក ៖
• មានហូរទឹករំអិលច្រើន ចេញពីភ្នែក
• ស្ថានភាពកាន់តែធ្ងន់ទៅៗ
• ឈឺក្នុងភ្នែក៕