វ៉ាក់សាំងបង្ការជំងឺកូវីដ-១៩របស់ក្រុមហ៊ុនស៊ីណូវ៉ាក់ ចំនួន៦លានដូស ដែលត្រៀមមកដល់កម្ពុជា នាចុងខែកញ្ញានេះ បានពីកម្ពុជាបញ្ជទិញដោយផ្ទាល់ពីក្រុមហ៊ុន ខណៈលោក វ៉ាង យី រដ្ឋមន្ត្រីការបរទេសចិន បានសន្យាផ្តល់វ៉ាក់សាំងឱ្យកម្ពុជា ចំនួន៣លានដូសទៀត ផងដែរ។ 

 

នៅក្នុងសន្តិសីទសារព័ត៌មានស្តីពី«យុទ្ធនាការចាក់វ៉ាក់សាំងដល់កុមារអាយុពី៦-១២ឆ្នាំ» នៅវិមានសន្តិភាពនាព្រឹកថ្ងៃទី១៧កញ្ញា   សម្តេច ហ៊ុន សែន សម្តេច ហ៊ុន សែន មានប្រសាសន៍ដូច្នេះ៖« ស៊ីណូវ៉ាក់នឹងមកដល់[កម្ពុជា] សរុបនាពេលខាងមុខនេះ ចំនួន៩លានដូសថែមទៀត»។

 

បើតាម សម្តេច ហ៊ុន សែន ក្នុងចំណោមវ៉ាក់សាំងទាំង៩លានដូសនោះ  មាន៣លានដូស នឹងមកដល់កម្ពុជា នាថ្ងៃទី២៤កញ្ញា, ៣លានដូសទៀតមកដល់ថ្ងៃទី២៦ ឬទី២៧ កញ្ញា។   ដោយឡែក វ៉ាក់សាំងស៊ីណូវ៉ាក់៣លានដូស ដែលប្រមុខការបរទេសចិន លោក វ៉ាង យី សន្យាផ្តល់ឱ្យកម្ពុជានោះ សម្តច មិនទាន់ដឹងពេលវេលាច្បាស់លាស់ឡើយ។ 

 

មកដល់ពេលនេះ កម្ពុជាមានវ៉ាក់សាំងបង្ការជំងឺកូវីដ-១៩ ជាង២០លានដូស ដែលកំពុងចាក់ជូនប្រជាពលរដ្ឋ។ វ៉ាក់សាំងដែលកម្ពុជាកំពុងផ្តល់ជូនពលរដ្ឋនោះ មានវ៉ាក់សាំងរបស់ស៊ីណូហ្វាម, ស៊ីណូវ៉ាក់, អាស្ត្រាហ្សេនី និងចនសុន&ចនសុន៕