ម្ចាស់ជើងឯក WBA ៨សម័យកាល Manny Paquiao មានប្រវត្តិប្រកួតកួត៧២លើក ឈ្នះ៦២ ចាញ់៨ ស្មើ២ និងធ្លាប់ផ្តួលគូប្រកួតឱ្យសន្លប់លើសង្វៀន ៣៩លើក។ ប្រកួតចុងក្រោយរបស់គេចាញ់ពិន្ទុកីឡាករគុយបា Yordenis Ugas ក្នុងកម្មវិធី PBC កាលពីឆ្នាំ២០២១។ ចំណែកកីឡាករកូរ៉េខាងត្បូង DK Yoo នេះជាជំនួបលើកទីពីរសម្រាប់គេ បន្ទាប់ពីចាញ់កីឡាករអង់គ្លេស Bradley Scott ដោយពិន្ទុ ក្នុងជំនួបមិត្តភាពអន្តរជាតិកាលពីឆ្នាំ២០២១ កន្លងទៅ។

 

Pacquiao អ្នកប្រដាល់ហ្វីលីពីន វ័យ៤៣ឆ្នាំ កម្ពស់១.៦៦ម៉ែត្រ ទម្ងន់៧០គីឡូក្រាម ចំណែក DK Yoo ជនជាតិ កូរ៉េខាងត្បូង មានអាយុ៤៣ឆ្នាំដូចគ្នា កម្ពស់ ១.៨០ម៉ែត្រ និងទម្ងន់៧៧គីឡូក្រាម។

 

ក្នុងចំណោមនោះដែរកីឡាករ Jose Luis Castillo មកពីប្រទេសម៉ិកស៊ិក ត្រូវជួបជាមួយកីឡាករកូរ៉េខាងត្បូង Min Gun Ju, និងគូចុងក្រោយអ្នកប្រដាល់មិនដែលចាញ់ Nico Hernandez មកពីសហរដ្ឋអាម៉េរិក ត្រូវតទល់ជាមួយកីឡាករ Jae Young Kim របស់កូរ៉េខាងត្បូង។

 

គួរបញ្ជាក់ថា ការប្រកួតកម្មវិធីតាំងពិព័រណ៍វគ្គសន្សំពិន្ទុវិលជុំ« Six-round Exhibition» មាន៣គូ ដែលត្រូវប្រកួត។ កីឡាករ Manny Pacquiao ជាម្ចាស់ជើងឯក៨សម័យកាល ហើយក៏ជាអតីតសមាជិកព្រឹទ្ធសភាហ្វីលីពីន និងជាបេក្ខជនប្រធានាធិបតី ឆ្នាំ២០២២។ ចំណែកកីឡាករ DK Yoo ជាគ្រូគុនកូរ៉េខាងត្បូង និងជាអ្នកផលិតវីដូ Youtube ផង។ ការប្រកួតនេះដែរគឺ Pacquiao មានទម្ងន់ក្រោម​ DK Yoo ចំនួប៧គីឡូក្រាម៕