មេប៉ុស្ដិ៍រូបនេះអះអាងដូច្នេះ៖«កន្លងមកមាន តែឥឡូវវាណាយទៅ បើអត់មានកម្មវិធីក៏អត់ដែរ​។ តែតាំងពីកូវីដ-១៩មក អត់សូវមានកម្មវិធីក៏អត់ដែរ។ ឥឡូវពិធីការបុណ្យអីអត់សូវមានដែរ តែយើងមកពីយើងដាក់កម្លាំងការពារដែរ។ ហើយការដាក់កម្លាំងការពារនេះ ម្ចាស់កម្មវិធីដែលរៀបចំ គឺត្រូវមានរៀបចំកម្លាំងការពារ ដើម្បីសណ្ដាប់ធ្នាប់ និងចោរកម្មផង»។ 

លោកបន្ថែមថា បើប្រៀបធៀបនឹងរយៈពេលប្រមាណជា៥ឆ្នាំមុន បញ្ហាក្មេងទំនើងបង្ករឿងនេះមានការថយចុះច្រើន ពោលគឺការវាយតប់គ្នាអំឡុងពិធីបុណ្យទាននេះ គឺកើតឡើងញឹកញាប់ណាស់។ លោក លៀង កែវ បន្តទៀតថា កន្លងមកការបង្កជម្លោះដោយសារក្មេងទំនើង តែងកើតឡើងអំឡុងពេលរាំរែកប៉ះគ្នា ឬជាន់ជើងគ្នា, ជម្លោះដោយសារពាក្យសម្ដី និងការឌឺដងជាដើម។ 
 

បើទោះជាបច្ចុប្បន្ននេះ ក្នុងឃុំក្ដីដូងមានសន្តិសុខ និងសណ្ដាប់ធ្នាប់ មិនមានការបង្ករឿងដោយសារក្មេងទំនើងក្នុងមូលដ្ឋានខ្លួន នាអំឡុងពិធិបុណ្យទាននានាក៏ដោយ ក៏អាជ្ញាធរមានសមត្ថកិច្ច ក៏នៅកម្លាំងសមត្ថកិច្ចប៉ុស្ដិ៍ ប្រជាការពារ និងម្ដងម្កាលមានជំនួយកម្លាំងពីខាងស្រុកបន្ថែមផងដែរ ដើម្បីការពារសុវត្ថិភាព សណ្ដាប់ធ្នាប់ ដល់ពលរដ្ឋ៕

 

អានអត្ថបទពាក់ព័ន្ធផ្សេងទៀត៖ យុវជនសកម្មសេវាល្អ