មុនការឈានដល់ស្ថិរភាពផ្នែកសន្តិសុខ ចៀសពីចោរកម្មដូចបច្ចុប្បន្ននេះ លោក លៀង កែវ ថាកន្លងមក ឃុំខ្លួនក៏ធ្លាប់ប្រឈមនឹងបញ្ហាចោរកម្ម លួចទ្រព្យសម្បត្តិពលរដ្ឋជាប្រចាំ នាពេលមានពិធីបុណ្យទានម្ដង។ លោកបញ្ជាក់បន្ថែមដូច្នេះ៖ «ជាក់ស្ដែងពីមុន គឺលួច(ម៉ូតូ)នៅឯវត្ត និងការនៅឯភូមិ ទាំងថ្ងៃតែម្ដង»។ 
 

បន្ទាប់ពីការលួចទាំងថ្ងៃនេះកើតឡើង កម្លាំងប៉ុស្ដិ៍ សហការនឹងកម្លាំងប្រជាការពារ តែងដាក់កម្លាំងការពារ និងការរៀបចំឱ្យមានការកិបសំបុត្រម៉ូតូ។ ការណ៍នេះ ត្រូវបានលោកមេប៉ុស្ដិ៍រូបនេះថា វាជំរុញឱ្យការលួចម៉ូតូទាំងថ្ងៃនៅទីវត្តអារាម មង្គលការ ឬពិធីបុណ្យនានា លែងមានក្នុងមូលដ្ឋានខ្លួន។ 
 

បើទោះជាមានការរៀបចំបែបនេះក្ដី ប៉ុន្តែក្នុងឆ្នាំ២០២២នេះ ក៏មានការលួចមួយករណីផងដែរ។ ដោយមើលឃើញថា ពលរដ្ឋមួយចំនួនក្នុងមូលដ្ឋានខ្លួន នៅមានការធ្វេសប្រហែសក្នុងការរក្សាទ្រព្យនេះ លោក លៀង កែវ ក៏បានអំពាវនាវឱ្យប្រជាពលរដ្ឋក្នុងឃុំ បង្កើនការប្រុងប្រយ័ត្នជានិច្ច បើទោះជាក្នុងភូមិ ឃុំ ខ្លួនមានស្ថិរភាពសន្តិសុខក៏ដោយ។ លោកក៏អំពាវនាវឱ្យពលរដ្ឋដែលមានលេខទំនាក់ទំនងគ្រប់ខ្នងផ្ទះនោះ រាយការណ៍មកកាន់អាជ្ញាធរ ពេលជួបបញ្ហាបាត់បង់ទ្រព្យសម្បត្តិ ឬបញ្ហាផ្សេងៗ៕ 

 

​