លោក ឡុង ឌីម៉ង់ ​លើកឡើង​បែបនេះ​៖ «​អ្វីដែល​ខ្ញុំ​តាមដាន​ពី​បញ្ហា​សំរាម ខ្ញុំ​ឃើញថាទេសចរមួយចំនួនតូច នៅតែបន្តសកម្មភាពចោលសំរាមតាមសាធារណៈ​ និងមិនខ្វល់ពីកាកសំណល់ដែលខ្លួនបានចោល ដែលបង្កឱ្យតំបន់ឆ្នេរធ្លាក់សម្រស់។ សំរាម​ច្រើន និងនៅតែមាន គឺ​កើតចេញពី​ពលរដ្ឋ​ ដែល​ទៅ​កម្សាន្ត​ហើយ​បន្សល់ទុក​សំរាម​នៅ​ទីនោះ​»​។​

សម្រាប់អភិបាលរងខេត្តព្រះសីហនុដដែល ការចោលសំរាមនៅតាមទីសាធារណៈមិនត្រឹមតែធ្វើឱ្យប៉ះពាល់ដល់សោភ័ណភាពឆ្នេរ និងទីក្រុងនោះទេ ប៉ុន្តែសំរាមទាំងនោះក៏ជះឥទ្ធិពលអាក្រក់ដល់សុខភាពសាធារណៈ ​បំពុលដល់បរិស្ថាន និងជីវចម្រុះដែល​រស់នៅក្នុងសមុទ្រ​ដែរ។

 

លោក ឡុង ឌីម៉ង់ រំពឹងថា ការចូលរួមទុកដាក់សំរាមឱ្យបានត្រឹមត្រូវរបស់ភ្ញៀវទេសចរ នឹងរួមចំណែកដល់កំណើនទេសចរទៅកម្សាន្តនៅខេត្ត​ព្រះសីហនុ ទាំងនៅក្នុងអំឡុងពេល​ឈប់សម្រាកបុណ្យចូលឆ្នាំចិន-វៀតណាមនេះ និងឱកាសឈប់សម្រាកផ្សេងៗទៀត​ ខណៈខេត្តនេះមាន​សក្តានុពល​ទេសចរ​ណ៍សម្បូរបែប ហេដ្ឋារចនាសម្ព័ន្ធ​ផ្លូវ​ស្អាត ក៏ដូចជា​ការពង្រឹង​សន្តិសុខ សុវត្ថិភាព​សម្រាប់​ភ្ញៀវទេសចរ​​៕