យ៉ាងណាក៏ដោយ លោក អឿន ពៀត សង្កេតឃើញថាការប្រើប្រាស់អំពើហិង្សានៅក្នុងសង្កាត់ ក៏មានការថយចុះ​គួរឱ្យកត់សម្គាល់ ព្រោះការយល់ដឹងរបស់ពលរដ្ឋកើនឡើង។ «ឆ្នាំ២០២២ ពុំសូវមានហិង្សានោះទេ ព្រោះប្រជាពលរដ្ឋនៅក្នុងសង្កាត់មានចំណេះដឹងពីច្បាប់ច្រើនជាងមុន ហើយអាជ្ញាធរមូលដ្ឋាន តែងតែណែនាំជុំវិញករណីហិង្សានេះ។ សមត្ថកិច្ចបានចុះអប់រំជាប្រចាំ រាល់ពេលមានកម្មវិធីនៅក្នុងមូលដ្ឋាន»។ លោកមេប៉ុស្តិ៍សង្កាត់សំរោងលើកឡើងដូច្នេះ។


 

សម្រាប់លោក អឿន ពៀត ​ដើម្បីកាត់បន្ថយហិង្សានៅក្នុងសង្កាត់ គឺទាមទារ​ការចូល​រួមពីមេភូមិ ប្រជាពលរដ្ឋ និងកម្លាំងប្រជាការពារភូមិទាំងអស់ នៅក្នុងការផ្សព្វ​ផ្សាយពីផលប៉ះពាល់ ដែលបណ្តាលមកពីការប្រើប្រាស់អំពើហិង្សា ការប្រើប្រាស់គ្រឿងស្រវឹងច្រើនលើសកម្រិត និង​ការប្រើប្រើាសញៀនថ្នាំជាដើម។ លោក អឿន ពៀត បានលើកឡើងបែបនេះ៖ «ពួកខ្ញុំមានតែបន្តអប់រំបន្ថែម មិនឱ្យផឹកស្រាច្រើនរហូតគ្រប់គ្រងសតិខ្លួនឯងមិនបាន វាយប្រពន្ធកូននោះទេ។ តែបើគាត់មិនស្ដាប់តាម ពួកខ្ញុំមានតែអនុវត្តតាមច្បាប់»៕

 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ