លើសពីមន្ត្រីទទួលបន្ទុកនៅយន្តការច្រកចេញចូលនេះ ​នឹងផ្តល់ព័ត៌មានទៅឱ្យពលរដ្ឋវិញ អំពីរយៈពេល ដែលនឹងទទួលបានឯកសារត្រូវប្រើប្រាស់ ឬអំពីតម្លៃនៃសេវារដ្ឋបាលនោះផងដែរ។ នេះបើតាមលោក ហ៊ុយ សំណាង ដោយលោកបានបន្ថែមថា៖  «មានប្រយោជន៍គឺមានន័យថា ប្រជាពលរដ្ឋមក(រក)សេវា អ្នកដែលផ្តល់ព័ត៌មាន គឺយកឯកសារពីគាត់(ពលរដ្ឋ)។ ចង់ធ្វើអី ឱ្យគាត់អង្គុយចាំ ឬម៉េច? បើថាធ្វើទាន់ភ្លាមៗ ឱ្យគាត់អង្គុយចាំ ធ្វើហើយ យើងឱ្យគាត់។ តែបើថាឯកសារហ្នឹងវាយូរ ឬយ៉ាងម៉េច ៣ថ្ងៃ ទើបបាន»។

 

បើតាមលោក ហ៊ុយ សំណាងយន្តការច្រកចេញចូលតែមួយរដ្ឋបាលឃុំ ផ្តល់ភាពងាយស្រួលបន្ថែមទៀត ទាំងសម្រាប់ពលរដ្ឋ និងទាំងមន្ត្រី ដោយមិនបាច់រង់ចាំយូរ និងកាត់បន្ថយការចំណាយក្រៅផ្លូវការ។ ​ដោយសារនេះគឺបែបបទថ្មីមួយ នៃការផ្តល់សេវារដ្ឋបាល​លោកមេឃុំកណ្តោល ក៏បានខិតខំផ្សព្វផ្សាយដំណឹងនេះទៅដល់ប្រជាពលរដ្ឋ តាមរយៈអាជ្ញាធរភូមិផងដែរ។


ទន្ទឹមនឹងនេះ លោក ហ៊ុយ សំណាង ក៏ស្នើឱ្យពលរដ្ឋយោគយល់បន្ថែមដែរ ប្រសិនការផ្តល់សេវារបស់មន្ត្រី ភាពរអាក់រអួលក្នុងពេលកន្លងមក។ លោក ហ៊ុយ សំណាង ក៏បានតាំងចិត្តពង្រឹង និងពន្លឿនបន្ថែមទៀត ការផ្តល់សេវារដ្ឋបាល និងការដោះស្រាយបញ្ហានានាជូនពលរដ្ឋ ឱ្យកាន់តែប្រសើរ៕

​ 

​អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ 

 

 

​