១ខែដំបូង នៃឆ្នាំ២០២៣ មានទេសចរសរុប ៧៧ ៤៣៦នាក់ បានទិញសំបុត្រចូលទស្សនា​រមណីយដ្ឋានអង្គរ ដែលកើនជិត ២០០០ភាគរយ ធៀបនឹងរយៈពេលដូចគ្នាក្នុងឆ្នាំ២០២២។  ចំនួន​ទេសចរទាំងនេះ គិត​ជាទឹក​ប្រាក់មាន​ចំនួន ៣ ៦៤៣ ៤៩៧ដុល្លារ។
 

ក្រៅពី​រកចំណូល​ពី​​ការ​លក់​សំបុត្រចូលទស្សនា​រមណីយដ្ឋានអង្គរ គ្រឹះស្ថានអង្គរ ក៏បានលក់សំបុត្រចូលទស្សនាប្រាសាទ​កោះកែរ ដល់ទេសចរអន្តរជាតិចំនួន ១ ៦១២នាក់ផងដែរ។ បើតាម​គ្រឹះស្ថាន​អង្គរ​ ចំណូល​ពី​ការ​លក់សំបុត្រចូលទស្សនាប្រាសាទ​កោះកែរ ក្នុង​ខែមករា មាន​ចំនួន ២៤ ១៨០ដុល្លារ។ ទន្ទឹមនឹងនេះ ចំណូលពីការលក់សំបុត្រទូក នៅកំពង់ផែចុងឃ្លៀស  មានចំនួន ៥៦ ១៦៣ដុល្លារ។
 

គួរបញ្ជាក់ដែរថា ក្នុងរយៈពេល១ខែនៃឆ្នាំ២០២៣ ចំណូលពីការលក់សំបុត្រចូលរមណីយដ្ឋានអង្គរ ត្រូវ​បាន​ឧបត្ថម្ភទៅមូលនិធិគន្ធបុប្ផាចំនួន ១៥៤ ៨៧២ដុល្លារ។ នេះបើតាមសេចក្តីប្រកាសព័ត៌មានរបស់គ្រឹះស្ថានអង្គរដដែល​៕