ជិត៤ខែហើយ ដែលអ្នកស្រី ខែម ស្រីមុំ មកចិញ្ចឹមអង្ក្រង ក្រោមគោលបំណង ដើម្បីបង្កាត់ពូជអង្ក្រងលក់ បន្ទាប់ពីសិក្សាបច្ចេកទេសពីប្រទេសឥណ្ឌូនេស៊ី។ សម្រាប់ស្ត្រីរូបនេះ ការចិញ្ចឹមអង្ក្រង តែងជួបបញ្ហា ដូចជា អង្ក្រងខាំសម្លាប់គ្នា, ពួកវារត់ចោលកន្លែងចិញ្ចឹមដោយសារវាស្ត្រេស និងមកការយាយីពីសត្វដទៃដែលស៊ីពួកវាជាអាហារជាដើម។ បើតាមអ្នកស្រី ស្រីមុំ ដើម្បីចិញ្ចឹមអង្ក្រង ទទួលបានលផល អ្នកចិញ្ចឹមត្រូវយល់ដឹងពីទីកន្លែងចិញ្ចឹម, របបអាហារត្រឹមត្រូវ, ការយកចិត្តទុកដាក់តាមដានជាប្រចាំ និងត្រូវមានចិត្តអំណត់៕