ក្នុងសេចក្ដីសម្រេចរបស់ខ្លួន ដែលចេញនៅថ្ងៃទី៤ ខែមីនា ឆ្នាំ២០២៣ ក្រសួងសុខាភិបាល អះអាងថា ការសម្រេចបិទនេះ ដោយសារបុគ្គលិកនៃមជ្ឈមណ្ឌលនេះមិនមានជំនាញវិជ្ជាជីវៈសុខាភិបាល ដែលបណ្ដាល​ឱ្យមនុស្សស្លាប់។ សេចក្ដីសម្រេចនោះបានបញ្ជាក់បន្ថែមទៀតថា ក្រសួងសុខាភិបាល នឹងបន្តនីតិវិធីច្បាប់ ចំពោះបុគ្គលដែលបានប្រព្រឹត្ត រួមជាមួយនឹងអ្នកទទួលខុសត្រូវ ក៏ដូចជាម្ចាស់មជ្ឈលមណ្ឌលកែសម្ផស្ស អឹម២៥ប៊ីយូធី។ 
 

យោងតាមការផ្សាយផ្ទាល់របស់សារព័ត៌មាន CNC ករណីស្លាប់របស់អតិថិជនខាងលើនេះ បានកើតឡើងនៅម៉ោងប្រមាណ៩យប់ កាលថ្ងៃទី៣មីនា ហើយជនរងគ្រោះបានស្លាប់នៅអំឡុងកំពុងវះកាត់ដើមទ្រូង៕