រដ្ឋមន្រ្តីកិច្ចការនារី ជម្រាបប្រមុខរដ្ឋាភិបាលកម្ពុជា និងអង្គពិធីទាំងមូលដូច្នេះថា៖«ការលុបបំបាត់រាល់ទម្រង់នៃអំពើហិង្សាលើស្រ្តី នៅតែជាកិច្ចការអាទិភាពចម្បង ក្នុងការអភិវឌ្ឍមូលធនមនុស្ស និងភាពសុខដុមរមនាក្នុងគ្រួសារ និងសង្គមជាតិ»។ 
 

ជាមួយគ្នានេះ អ្នកស្រីរដ្ឋមន្រ្តី បង្ហាញការមើលឃើញរបស់ខ្លួនថា ការប្រើប្រាស់ប្រព័ន្ធបច្ចេកវិទ្យាខុសគោលដៅ បណ្តាលឲ្យមានការលេចឡើងនូវរូបភាពថ្មីៗនៃអំពើហិង្សា និងការកេងប្រវ័ញ្ចលើស្រ្តីនិងកុមារ ដែលបានជះឥទ្ធិពលអវិជ្ជមានដល់តម្លៃស្រ្តី និងសីលធម៌សង្គម។ 
 

សូមបញ្ជាក់ខ្លីថា ថ្ងៃទី៨ ខែមីនា ឆ្នាំ២០២៣ គឺជាទិវាសិទ្ធិនារីអន្តរជាតិលើកទី១១២។ កម្ពុជា ជ្រើសរើសយកប្រធានបទ «ស្រ្តីរួមគ្នារក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល» សម្រាប់ការអបអរសាទរទិវាសិទ្ធិនារីក្នុងឆ្នាំនេះ៕