តែយ៉ាងណាខ្សែបម្រើព័រទុយយហ្កាល់ បែរជាបង្ហាញភាពខ្លាំងឡើងវិញអំឡុងការប្រកួតទល់ Real Betis ក្នុងជំនួប Europa League កាលពីថ្ងៃទី៩ ខែមីនា។ Fernandez តែតបាល់បញ្ចូលទី ១គ្រាប់ និងបញ្ជូនបាល់ ១គ្រាប់ឱ្យមិត្តរួមក្រុម ខណៈដែលក្រុមបិសាចក្រហមបំបាត់ភាពសៅហ្មងស់ខ្លួនក្រោយចាញ់ធ្ងន់ធ្ងរនៅ Anfield រួចមក។
 

នាសន្និសីទកាសែតមុនការប្រកួតទល់ក្រុមបាតតារាង Southampton លោក Erik ten Hag អ្នកចាត់ការក្រុមបានផ្តាំទៅ Fernandez ឱ្យរៀនចេះគ្រប់គ្រងអារម្មណ៍ខ្លួន និងប្រើប្រាស់ឱ្យបានត្រឹមត្រូវ។
 

«ខ្ញុំគិតថារូបគេបានបង្ហាញអារម្មណ៍ផ្ទាល់ខ្លួនគេខ្លាំងពីការបង្ហាញទម្រង់លេងកាលពីថ្ងៃទី៩ ដែលជួយក្រុមបានឈ្នះ​ វាពិតជាអស្ចារ្យខ្លាំងណាស់ និងគួរឱ្យចាប់អារម្មណ៍។ អារម្មណ៍របស់គេគឺជាអាវុធ ប៉ុន្តែពេលខ្លះវាគឺខ្លាំងពេក ពិតណាស់ ខ្ញុំនឹងជួយដល់រូបគេ ខ្ញុំគាំទ្រគេ ហើយខ្ញុំនឹងផ្តល់យោបល់ដល់រូបគេ ពេលខ្លះរូបគេគួរតែរៀនគ្រប់គ្រងអារម្មណ៍នេះ។»។

អ្នកចាត់ការវ័យ ៥២ឆ្នាំ ក៏បានបន្ថែមថា Fernandez គួរតែប្រើប្រាស់អារម្មណ៍ឱ្យបានត្រឹមត្រូវ នៅពេលការប្រកួត ដើម្បីយកវាក្លាយជាកម្លាំង និងការអភិវឌ្ឍក្រុម៕