កីឡាករ ៦រូបធ្លាក់ចេញពីក្រុមបាល់ទាត់ជម្រើសជាតិអាយុក្រោម ២២ឆ្នាំ សម្រាប់ស៊ីហ្គេម និងពានរង្វាន់ Merlion Cup

កីឡាជាតិ

ជាតិ

ស៊ីហ្គេម២០២៣

កីឡាករ ៦រូបធ្លាក់ចេញពីក្រុមបាល់ទាត់ជម្រើសជាតិអាយុក្រោម ២២ឆ្នាំ សម្រាប់ស៊ីហ្គេម និងពានរង្វាន់ Merlion Cup

17, Mar 2023 , 5:40 pm

រូបភាព

ការហ្វឹកហាត់របស់ក្រុមជម្រើសជាតិអាយុក្រោម២២ឆ្នាំ នៅកោះសាមុយ រូបពី FFC

ដោយ: គឹម មករា

កីឡាករ ៦រូប បានធ្លាក់ចេញពីក្រុមជម្រើសជាតិកម្ពុជា បន្ទាប់ពីបោះជំរុំហ្វឹកហាត់លើកទី១ នៅកោះសាមុយ នៃប្រទេសថៃ សម្រាប់ត្រៀមព្រឹត្តិការណ៍ប្រកួតកីឡាប្រជាជាតិអាស៊ីអាគ្នេយ៍ ហៅកាត់ថា ស៊ីហ្គេម។

កីឡាករទាំង ៦រូបនោះ ដែលបានធ្លាក់ចេញពីក្រុមជម្រើសជាតិ រួមមាន៖ សារ ទី, អ៊ាន ពិសី, វ៉ាំង ដាវីន, អ៊ីម វ៉ាឃីម, រី លាភផេង និង ទេព ហ្វីលីប។ ដោយឡែកកីឡាករជម្រើសជាតិបាល់ទាត់កម្ពុជា អាយុក្រោម២២ឆ្នាំ ចំនួន២៤រូប ដែលជាប់ឈ្មោះនេះ នឹងត្រូវចូលរួមប្រកួតពានរង្វាន់ Merlion Cup 2023 នៅប្រទេសសិង្ហបុរី ចាប់ពីថ្ងៃទី២០-២៧ ខែមីនា ឆ្នាំ២០២៣។

ក្រោយប្រកួតចប់ ជម្រើសជាតិទាំងនោះ ក៏ត្រូវបោះជំរុំហ្វឹកហាត់លើកទី២ ដើម្បីជម្រុះបន្ថែមទៀត ដោយជ្រើសរើស២០នាក់ សម្រាប់ប្រកួតព្រឹត្តិការណ៍ស៊ីហ្គេម លើកទី៣២ នៅកម្ពុជា ។