ការប្រកួតសិតទី១ ក្រុមជម្រើសជាតិថៃ បានឈ្នះមីយ៉ាន់ម៉ា ដោយលទ្ធផល២៥ ទល់១៨។ ចូលដល់សិតទី២ មីយ៉ាន់ម៉ា ប្រឹងវាយបកយកឈ្នះវិញដែរ ប៉ុន្តែមិនអាចទៅរួច ដោយបានត្រឹម២១គ្រាប់ ខណៈថៃ នៅតែទទួលជ័យជម្នះ ២៥គ្រាប់។
 

ជ័យជម្នះ២សិតនេះ បានធ្វើឱ្យថៃ មានប្រៀបយ៉ាងខ្លាំងលើមីយ៉ាន់ម៉ា។ ក្នុងសិតទី៣ ទម្រង់លេងមីយ៉ាន់ម៉ា ហាក់ធ្លាក់ចុះយ៉ាងខ្លាំង ជាពិសេសធ្វើឱ្យខូចបាល់ជាច្រើនគ្រាប់ ទាំងការវាយបាល់ចេញ (Service ) និងការវាយផ្ដាច់ ដែលផ្ដល់ពិន្ទុឱ្យថៃ ជាច្រើនគ្រាប់ ។ ថៃ បន្តយកឈ្នះក្នុងលទ្ធផល ២៥-១៧ ពិន្ទុ។
 

ថៃ ឈរកំពូលតារាង ខណៈមីយ៉ាន់ម៉ា ហាលអាវ។ ចំណែកវៀតណាម និងម៉ាឡេស៊ី ត្រូវតទល់ជាមួយគ្នា ដើម្បីបានឡើងទៅវគ្គពាក់កណ្ដាលផ្ដាច់ព្រ័ត្រជាមួយថៃ។