គណបក្សកម្លាំងប្រជាធិបតេយ្យ មានមណ្ឌលឈរឈ្មោះចំនួន១២ខេត្ត-រាជធានី ហើយបានដាក់បេក្ខជនឈរឈ្មោះសរុប១៣៨នាក់ ក្នុងនោះមានស្រី៧៥រូប។ ចំពោះ បេក្ខជននាយករដ្ឋមន្ត្រី នៃបក្សកម្លាំងប្រជាធិបតេយ្យ ឈរលេខរៀងទីមួយ នៅមណ្ឌលខេត្តកណ្ដាល។ 

 

ចំពោះនយោបាយ លោក វិសិទ្ធគុន បានប្រាប់សារព័ត៌មានថ្មីៗតាមប្រព័ន្ធទូរស័ព្ទថា លោកហាក់មានភាពក្មេងខ្ចីនៅឡើយ ដោយសារទើបប្រឡូកនយោបាយនៅចុងឆ្នាំ២០១៩ ដែលពេលនោះ លោកជាអ្នកផ្ដួចផ្ដើមបង្កើតបក្សកម្លាំងប្រជាធិបតេយ្យ។ ចំណែក កម្រិតអប់រំ លោកបានបញ្ចប់បរិញ្ញាបត្រផ្នែកគ្រប់គ្រងសេដ្ឋកិច្ចនិងពាណិជ្ជកម្ម នៅសាកលវិទ្យាល័យជាតិគ្រប់គ្រង។ ក្រោយមក លោកបន្តការសិក្សាផ្នែកកសិកម្មនៅប្រទេសថៃ ហើយបន្តការងារនៅទីនោះ៕