ទីលានទុកដាក់សំរាមក្នុងខេត្តកំពត ត្រូវបានសាងសង់នៅលើផ្ទៃដីសរុបទំហំ ១០,៣៣ហិកតា ស្ថិតក្នុងនៅភូមិថ្មី ឃុំថ្មី ស្រុកទឹកឈូ ខេត្តកំពត។ ទីតាំងនោះ ត្រូវបានធ្វើ​ឡើងក្នុងរណ្ដៅពីរ មានទំហំ ៨,៧៧ ហិកតា ដែលអាចផ្ទុកសំរាមបាន ៣៤៨ ៤០០ ម៉ែត្រគីប។  
  

 

ចំណែកឯ ទីលានទុកដាក់សំរាមខេត្តកែប ចំណាយថវិកាប្រមាណ ១០ ៧៦៩ ៥៣២ ដុល្លារ ជាកម្ចីឥណទានធនាគារអភិវឌ្ឍន៍អាស៊ី(ADB)  ក្រោមគម្រោងអភិវឌ្ឍន៍ហេដ្ឋារចនាសម្ព័ន្ធទេសចរណ៍ ដែលសាងសង់ដោយក្រុមហ៊ុន អឹម ធី អេ ខនស្ត្រាក់សិន ខូអិលធីឌី និងក្រុមហ៊ុន Renardet S.A បានសហការជាមួយក្រុមហ៊ុន SBK Research and Development Co.,Ltd. ។
 

 

ទីលានទុកដាក់សំរាមកែបនេះ បានសាងសង់លើផ្ទៃដីសរុបទំហំ ១៤ហិកតា ស្ថិតនៅក្នុងភូមិដំណាក់ចង្អើរ ឃុំព្រៃធំ ក្រុងកែប ខេត្តកែប។  ទីតាំងនោះ មានរណ្ដៅចំនួន៤ អាចផ្ទុកសំរាមបានប្រមាណ ៦០០ ០០០ម៉ែត្រគូប ក្នុងរយៈពេល ២០ឆ្នាំ។  

 

ទីលានទុកដាក់សំរាមទាំងពីរនេះ គឺសម្រាប់ប្រជាពលរដ្ឋឱ្យប្រើប្រាស់ ដើម្បីលើកកម្ពស់គុណភាពការរស់នៅរបស់ពលរដ្ឋក្នុងតំបន់ និងតំបន់ជុំវិញ និងកាត់បន្ថយបញ្ហាប្រឈមទៅលើការបំពុល និងការបំផ្លាញបរិស្ថាន៕