ក្នុងបទសម្ភាសជាមួយសារព័ត៌មានថ្មីៗ នៅថ្ងៃទី១ ខែមិថុនា មុនការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ ដែលនឹងប្រព្រឹត្តទៅនៅថ្ងៃទី៣ ដល់ទី៩ ខែមិថុនា សុភ័ក្ត្របានបង្ហាញការប្តេជ្ញាចិត្ត តាមរយៈការប្រឹងប្រែងហ្វឹកហាត់ ដើម្បីយកមេដាយជូនជាតិកម្ពុជា។

 

 

លោក ហង្ស សុភ័ក្ត្រ និយាយថា៖«សម្រាប់ខ្ញុំផ្ទាល់ខ្ញុំអាចដណ្តើមបានមេដាយមួយក្នុងចំណោមមេដាយទាំងបី។ ពីព្រោះបទពិសោធកាលទៅប្រកួតនៅឥណ្ឌូណេស៊ី គឺជាលើកទីមួយទេដែលខ្ញុំធ្វើបានត្រឹម១៣៣គីឡូក្រាម ដោយសារកាលនោះនៅខ្វះបច្ចេកទេស ក្រោយមកវិញយើងបន្ថែមបច្ចេកទេស និងការហ្វឹកហាត់ខ្លាំងទៀត»។ លោក សុភ័ក្ត្រ បន្ថែមថាកាហ្វឹកហាត់គឺផ្តោតសំខាន់ទៅតាមកាលវិភាគ។

 

គួបញ្ជាក់ថា កីឡាករប៉ារ៉ាលើកទម្ងន់កម្ពុជា ហង្ស សុភ័ក្រ្ត នឹងប្រកួតលើវិញ្ញាសា ប្រភេទទម្ងន់៨៨គីឡូក្រាម។ ប្រភេទកីឡាលើកទម្ងន់ មានការប្រកួត៣ជុំ និងបូកពិន្ទុ គិតឈ្នះមេដាយយកតែម្តង៕