ជាក់ស្តែងថ្មីៗនេះ ក៏ឃើញមានមាតិកាជាច្រើនដែលលោកផលិតទាក់ទងនឹង ល្ខោនខោល របាំព្រះរាជទ្រព្យ ក្បាច់គុនល្បុក្កតោ ព្រឹត្តិការណ៍បំបែកកំណត់ត្រាពិភពលោកការ​បត់​បេះ​ដូង​ច្រើនជាងគេបំផុតលើពិភពលោក ក៏ដូចជាព្រឹត្តិការណ៍ SEA GAMES ដែលកម្ពុជាធ្វើជាម្ចាស់ផ្ទះផងដែរ។ ហើយលោកក៏ជាអ្នកបង្កើតមាតិកាណែនាំពីកន្លែងទេសចរណ៍នានាក្នុងប្រទេសកម្ពុជា ក៏ដូចជាអាហារខ្មែរផងដែរ។ យុទ្ធនាការរបស់លោក គឺបន្តផ្សព្វផ្សាយ និងលើកទឹកចិត្តក្រុមអ្នកបង្កើតមាតិការបស់ខ្លួនគឺ VEESA THE CREATOR ក៏ដូចជាអ្នកបង្កើតមាតិកាក្នុងប្រទេសកម្ពុជា ឱ្យប្រើប្រាស់សំឡេងខ្លួនដើម្បីផ្សព្វផ្សាយប្រទេសកម្ពុជាដ៏អស្ចារ្យទៅកាន់ពិភពលោក៕