កីឡាជាតិ
ជាតិ
Asian Games៖សៀវម៉ី ឈ្នះមេដាយមាសដំបូងក្រោយវត្តមានកម្ពុជាអស់៦០ឆ្នាំ សៀវម៉ី នាការប្រកួតជាមួយហ្វីលីពីន។ រូបថត AFP
× កម្ពុជាធ្លាប់បានមេដាយចុងក្រោយពីព្រឹត្តការណ៍ Asian Games នាឆ្នាំ១៩៧០ ប៉ុន្តែបើគិតចាប់តាំងពីការចូលរួមលើកដំបូងរបស់កម្ពុជាក្នុងព្រឹត្តិការណ៍កីឡាប្រចាំទ្វីបនេះកាលពីឆ្នាំ១៩៥៤ កីឡាការិនី ស៊ន សៀវម៉ី គឺជាអត្តពលិកទីមួយដែលបានឈ្នះមេដាយមាស ពោលគឺមានរយៈពេល៦០ឆ្នាំមកហើយ។
កីឡាការិនី ស៊ន សៀវម៉ី បានប្រកួតឈ្នះ ៧-៤ លើកីឡាការិនីអ៊ីរ៉ង់ Rouhani Fatemeh សម្រាប់ការប្រកួតដណ្តើមយកមេដាយមាសលើវិញ្ញាសាតេក្វាន់ ដូ ទម្ងន់៧៣គីឡូក្រាម នាព្រឹត្តិការណ៍ Asian Games លើកទី១៧ នៅសង្វៀនGanghwa Dolmens Gymnasium ទីក្រុង Incheon ប្រទេសកូរ៉េខាងត្បូង។
នៅមុនដំណើរទៅកាន់វគ្គផ្តាច់ព្រ័ត្រ សៀវម៉ី អាយុ១៩ឆ្នាំ បានប្រកួតឈ្នះកីឡាការិនីអ៊ូបេគីស្ថាន Abdullaeva Umida ក្នុងលទ្ធផល ២៩ ទល់នឹង៧ ក្នុងទម្ងន់៧៣គីឡូក្រាមនៅវគ្គ១/៤ផ្តាច់ព្រ័ត្រ និងបន្តឈ្នះកីឡាការិនីហ្វីលីពីន Alora Kirstie Elaine នៅវគ្គពាក់កណ្តាលផ្តាច់ព្រ័ត្រ៕
© រក្សាសិទ្ធិដោយ thmeythmey.com