កីឡាជាតិ
ជាតិ
U-16 នារីកម្ពុជា ប៉ះ មីយ៉ាន់ម៉ា នៅរសៀលនេះ ខណៈប្រកួតដំបូងចាញ់ តៃវ៉ាន់ ៧ – ០
× ក្រុមបាល់ទាត់នារីក្រោមអាយុ ១៦ ឆ្នាំ (U-16) របស់កម្ពុជា ត្រូវប្រកួតវគ្គជម្រុះតាមពូល ជាលើកទី២ ជាមួយក្រុមរបស់តៃវ៉ាន់ នៅវេលាម៉ោង ៤:៣០ នាទីរសៀល (ត្រូវនឹងម៉ោង ៣:៣០ នៅកម្ពុជា) លើទីលានកីឡដ្ឋាន Hang Tuah Stadium ទីក្រុង Malaka ប្រទេសម៉ាឡេស៊ី ក្នុងពានរង្វាន់ AFC U-16 Women’s Championship 2015។
កម្ពុជា បានប្រកួតបើកឆាកចាញ់ក្រុមតៃវ៉ាន់ ក្នុងលទ្ធផល ៧ ទល់ ០ ចំណែកក្រុមមីយ៉ាន់ម៉ា បានយកឈ្នះក្រុម ហ្វីលីពីន ៦ ទល់ ០។ គិតត្រឹមពេលនេះ តៃវ៉ាន់ និង មីយ៉ាន់ម៉ា មាន ៣ ពិន្ទុដូចគ្នា ចំណែកកម្ពុជា និង ហ្វីលីពីន មិនទាន់មានពិន្ទុនៅឡើយ។
សម្រាប់កម្មវិធីប្រកួតនៅថ្ងៃនេះមាន៖
• កម្ពុជា Vs មីយ៉ាន់ម៉ា (ម៉ោង ៣:៣០)
• ហ្វីលីពីន Vs តៃវ៉ាន់ (ម៉ោង ៣:៣០)
ពានរង្វាន់នេះបានចែកចេញជា៤ពូល៖
• ពូលA មានប្រទេស ស្រីលង្កា, អ៊ូស្បេគីស្ថាន ,បារ៉ែន ,ប៉ាឡេស្ទីន, កៀហ្ស៊ីស៊ីស្ថាន និងប្រទេស តាហ្ស៊ី គី ស្ថាន។
• ពូលB មានប្រទេស បង់ក្លាដែស ,អ៊ីរ៉ង់ ,ហ្ស៊កដានី, ឥណ្ឌា,អារ៉ាប់រួម និង ប្រទេសកាតា។
• ពូលC មានប្រទេស អូស្រ្តាលី, សាធារណរដ្ឋ កូរ៉េ, ហុងកុង ភាគខាងជើង ,កោះម៉ានិង ប្រទេស វៀតណាម។
• ពូលD មានប្រទេស ចិនតៃប៉ិ, មីយ៉ាន់ម៉ា,ហ្វីលីពីន និង កម្ពុជា។
ក្រុមខ្លាំងតាមពូល នីមួយៗ ត្រូវឡើងទៅប្រកួតជុំបន្ទាប់ជាមួយក្រុម ៤ ផ្សេងទៀតដែលកំពុងតែអង្គុយចាំដូចជា ជប៉ុន, កូរ៉េខាងជើង, ចិន និង ថៃ៕
© រក្សាសិទ្ធិដោយ thmeythmey.com