កីឡាជាតិ
ជាតិ
U-16 នារីកម្ពុជា ចាញ់ ៣ ប្រកួតជាប់គ្នាធ្លាក់ចេញពីវគ្គជម្រុះបាល់ទាត់អាស៊ី
× ក្រុមបាល់ទាត់នារីក្រោមអាយុ ១៦ ឆ្នាំរបស់កម្ពុជា បានប្រកួតចាញ់ ៣ លើកជាប់គ្នាក្នុងវគ្គជម្រុះពូល D នៃពានរង្វាន់ 2015 AFC U-16 Women's Championship ដែលកំពុងតែរៀបចំនៅប្រទេសម៉ាឡេស៊ី។
ពូលនេះមានក្រុមចូលរួមចំនួន ៤ រួមមាន តៃវ៉ាន់, មីយ៉ាន់ម៉ា, ហ្វីលីពីន និង កម្ពុជា។ ចំណែកឯក្រុមកម្ពុជា ប្រកួតបើកវគ្គចាញ់ក្រុម តៃវ៉ាន់ ៧ ទល់ ០ ហើយបន្តចាញ់ មីយ៉ាន់ម៉ា ៤ ទល់ ០ និង ចាញ់ក្រុមហ្វីលីពីន នៅល្ងាចម្សិលមិញ ៤ ទល់ ២។ ដូច្នេះក្រុមកម្ពុជា ត្រូវធ្លាក់ត្រឹមវគ្គជម្រុះនេះ ស្របពេលក្រុមតៃវ៉ាន់ ឡើងទៅជុំបន្ទាប់ ក្រោយរកបានមាន ៩ ពិន្ទុ ហើយក្រុមមីយ៉ាន់ម៉ា មាន ៦ ពិន្ទុ និង ក្រុមហ្វីលីពីន មាន ៣ ពិន្ទុ។
កម្ពុជា ដឹកនាំដោយលោក រស់ សំអឿន ដោយបានហ្វឹកហាត់ជុំគ្នាបានប្រមាណជាង ១ ខែប៉ុណ្ណោះមុនចាកចេញទៅប្រកួត។ ចំណែកលោក អ៊ុក ម៉ិច អតីតអ្នកចាំទីជម្រើសជាតិកម្ពុជា ជាគ្រូជំនួយ។
គិតត្រឹមពេលនេះពានរង្វាន់ 2015 AFC U-16 Women's Championship ដែលប្រទេសចិនជាម្ចាស់ផ្ទះបានរកឃើញក្រុមសរុបចំនួន ២ បន្ថែមមានតៃវ៉ាន់ ជើងខ្លាំងមកពីពូល D និងក្រុមកូរ៉េខាងត្បូង នៅពូល C ស្របពេលក្រុម ជប៉ុន (ជើងឯកឆ្នាំចាស់), កូរ៉េងជើង (ជើងឯករង), ចិន (លេខ ៣) និង ថៃ (លេខ៤)។ ចំណែកក្រុម ២ ផ្សេងទៀតនឹងជ្រើសចេញមកពី ពូល A និង B៕
© រក្សាសិទ្ធិដោយ thmeythmey.com