ជាតិ
បទវិភាគ
×![]()
ដោយ: លីម តុលា
ភ្នំពេញ៖ ការសម្រេចចិត្តចូលរោងការរបស់យុវជនសម័យសតវត្សរ៍ទី២១នេះ ត្រូវបានពន្យាពេលវេលាយូរជាងកាលពីសម័យមុន។ កាលពីមុន យុវជន យុវនារី ជាពិសេស នៅជនបទ ចូលរោងការភាគច្រើននៅក្រោមអាយុ២០ឆ្នាំ។ តែក្រោយមក ដោយសារតែការវិវត្តន៍នៃសង្គម ការរៀបអាពាហ៍ពិពាហ៍នៅវ័យក្មេងពេកត្រូវបានផ្លាស់ប្តូរ? តើអ្វីខ្លះដែលជាដើមចមជំរុញអោយមានការផ្លាស់ប្តូរនេះ? 
សង្គមមានការវិវត្តន៍។ ដូច្នេះ របៀបរស់នៅ ឬ ទំនៀមទម្លាប់ វប្បធម៌ ប្រពៃណីមួយចំនួនក៏មានការផ្លាស់ប្តូរដែរ។
ទាក់ទងទៅនឹងសំណួរសួថា តើហេតុអ្វីបានជាយុវជន យុវនារី សម័យបច្ចុប្បន្ននេះ ពន្យាពេលវេលាចូលរោងការនោះ? មានហេតុផលមួយចំនួនត្រូវបានលើកឡើងដោយយុវជនផ្ទាល់ខ្លួនឯង និងម្យ៉ាងទៀត ដោយសារកត្តាសង្គមចាប់បង្ខំ។
ចំណុច ទី១ គឺដោយសារយុវជន យុវនារី មួយចំនួនសម្រេចចិត្តចង់បន្តការសិក្សារអោយបានខ្ពស់ជាងមុន។
ទី២ គឺដោយសារ ពួកគេ ចង់រស់នៅ និងសាកល្បងស្គាល់គ្នាអោយបានយូរបន្តិច មុននឹងរៀបការ។
ទី៣ គឺដោយសារ យុវជន យុវនារី បច្ចុប្បន្ន ទទួលបានសេរីភាពពេញលេញក្នុងស្នេហា (អាចផ្លាស់ប្តូរដៃគូស្នេហ៍បានច្រើន)។ សេរីភាពពេញលេញក្នុងស្នេហានេះ ជំរុញអោយពួកគេមិនចង់រៀបការនៅវ័យក្មេងពេកទេ។
ទី៤ គឺដោយសារ ពួកគេប្រាថ្នាចង់រកថវិកាដោយខ្លួនឯងដើម្បីរៀបអាពាហ៍ពិពាហ៍។
និងទី៥ គឺដោយសារកត្តាសង្គមចាប់បង្ខំ មានន័យថា យុវជនខ្លះ ចង់រៀបការនៅវ័យក្មេងដូចកាលពីសង្គមចាស់ដែរ តែដោយសារគ្មានប្រាក់គ្រប់គ្រាន់សម្រាប់ជាបណ្ណាការ(ថ្លៃទឹកដោះ) ជូនគ្រួសារខាងស្រី។ បណ្ណាការ (ថ្លៃទឹកដោះ) នៅតាមបណ្តាខេត្តអាចចាប់ផ្តើមពីជាង១ពាន់ដុល្លារដល់១ម៉ឺនដុល្លារអាមេរិកអាស្រ័យទៅលើជីវភាពនៃគ្រួសារខាងស្រី។ នៅទីក្រុងភ្នំពេញវិញ ថ្លៃទឹកដោះ អាចប្រែប្រួលពី៥ពាន់ទៅ៥ម៉ឺនដុល្លារអាមេរិកអាស្រ័យទៅលើជីវភាពគ្រួសារខាងស្រី។
ដោយសារតែថ្លៃបណ្ណាការមានកម្រិតខ្ពស់គួរសម ប្រៀបធៀបទៅនឹងប្រាក់ខែរបស់យុវជនសម័យបច្ចុប្បន្ននេះ (ប្រាក់ខែជាមធ្យមរបស់យុវជនគឺ៣០០ដុល្លារអាមេរិក)។ ដូច្នេះ ការរៀបការរបស់យុវជន យុវនារី ត្រូវតែពន្យាពេល។
តើមូលហេតុអ្វីបានជាថ្លៃបណ្ណាការហាក់បីដូចឡើងថ្លៃជាងមុន?
ឪពុកម្តាយខាងស្រីមិនចង់ទាមទារថ្លៃទឹកដោះច្រើននោះទេ។ ប៉ុន្តែ អ្វីៗឡើងថ្លៃទាំងអស់។ ហាងក៏ថ្លៃ ម្ហូបអាហារក៏ថ្លៃ សម្អាងការ-ភ្លេងការ ឡើងថ្លៃទាំងអស់។ សរុបសេចក្តីមកវិញ ទាំងទំនិញ ទាំងសេវាកម្ម ឡើងថ្លៃកប់ពពក។
ដោយសារតែប្រាក់ចំណូលរបស់យុវជន និងយុវនារី នៅមានកម្រិត ហើយដើម្បីចៀសវាងកុំអោយស្នេហារបស់ពួកគេត្រូវបានពន្យាពេលច្រើនឆ្នាំ ឬត្រូវបានកាត់ផ្តាច់ដោយសារបញ្ហាហិរញ្ញវត្ថុនោះ ដំណោះស្រាយមួយសមរម្យដែលគួរពិចារណាគឺថា អាណាព្យាបាលខាងស្រី និងខាងប្រុស គួរតែចេញថ្លៃបណ្ណាការស្មើគ្នាដើម្បីរៀបការជូនកូនប្រុសស្រីរបស់ខ្លួន៕
សង្គមមានការវិវត្តន៍។ ដូច្នេះ របៀបរស់នៅ ឬ ទំនៀមទម្លាប់ វប្បធម៌ ប្រពៃណីមួយចំនួនក៏មានការផ្លាស់ប្តូរដែរ។
ទាក់ទងទៅនឹងសំណួរសួថា តើហេតុអ្វីបានជាយុវជន យុវនារី សម័យបច្ចុប្បន្ននេះ ពន្យាពេលវេលាចូលរោងការនោះ? មានហេតុផលមួយចំនួនត្រូវបានលើកឡើងដោយយុវជនផ្ទាល់ខ្លួនឯង និងម្យ៉ាងទៀត ដោយសារកត្តាសង្គមចាប់បង្ខំ។
ចំណុច ទី១ គឺដោយសារយុវជន យុវនារី មួយចំនួនសម្រេចចិត្តចង់បន្តការសិក្សារអោយបានខ្ពស់ជាងមុន។
ទី២ គឺដោយសារ ពួកគេ ចង់រស់នៅ និងសាកល្បងស្គាល់គ្នាអោយបានយូរបន្តិច មុននឹងរៀបការ។
ទី៣ គឺដោយសារ យុវជន យុវនារី បច្ចុប្បន្ន ទទួលបានសេរីភាពពេញលេញក្នុងស្នេហា (អាចផ្លាស់ប្តូរដៃគូស្នេហ៍បានច្រើន)។ សេរីភាពពេញលេញក្នុងស្នេហានេះ ជំរុញអោយពួកគេមិនចង់រៀបការនៅវ័យក្មេងពេកទេ។
ទី៤ គឺដោយសារ ពួកគេប្រាថ្នាចង់រកថវិកាដោយខ្លួនឯងដើម្បីរៀបអាពាហ៍ពិពាហ៍។
និងទី៥ គឺដោយសារកត្តាសង្គមចាប់បង្ខំ មានន័យថា យុវជនខ្លះ ចង់រៀបការនៅវ័យក្មេងដូចកាលពីសង្គមចាស់ដែរ តែដោយសារគ្មានប្រាក់គ្រប់គ្រាន់សម្រាប់ជាបណ្ណាការ(ថ្លៃទឹកដោះ) ជូនគ្រួសារខាងស្រី។ បណ្ណាការ (ថ្លៃទឹកដោះ) នៅតាមបណ្តាខេត្តអាចចាប់ផ្តើមពីជាង១ពាន់ដុល្លារដល់១ម៉ឺនដុល្លារអាមេរិកអាស្រ័យទៅលើជីវភាពនៃគ្រួសារខាងស្រី។ នៅទីក្រុងភ្នំពេញវិញ ថ្លៃទឹកដោះ អាចប្រែប្រួលពី៥ពាន់ទៅ៥ម៉ឺនដុល្លារអាមេរិកអាស្រ័យទៅលើជីវភាពគ្រួសារខាងស្រី។
ដោយសារតែថ្លៃបណ្ណាការមានកម្រិតខ្ពស់គួរសម ប្រៀបធៀបទៅនឹងប្រាក់ខែរបស់យុវជនសម័យបច្ចុប្បន្ននេះ (ប្រាក់ខែជាមធ្យមរបស់យុវជនគឺ៣០០ដុល្លារអាមេរិក)។ ដូច្នេះ ការរៀបការរបស់យុវជន យុវនារី ត្រូវតែពន្យាពេល។
តើមូលហេតុអ្វីបានជាថ្លៃបណ្ណាការហាក់បីដូចឡើងថ្លៃជាងមុន?
ឪពុកម្តាយខាងស្រីមិនចង់ទាមទារថ្លៃទឹកដោះច្រើននោះទេ។ ប៉ុន្តែ អ្វីៗឡើងថ្លៃទាំងអស់។ ហាងក៏ថ្លៃ ម្ហូបអាហារក៏ថ្លៃ សម្អាងការ-ភ្លេងការ ឡើងថ្លៃទាំងអស់។ សរុបសេចក្តីមកវិញ ទាំងទំនិញ ទាំងសេវាកម្ម ឡើងថ្លៃកប់ពពក។
ដោយសារតែប្រាក់ចំណូលរបស់យុវជន និងយុវនារី នៅមានកម្រិត ហើយដើម្បីចៀសវាងកុំអោយស្នេហារបស់ពួកគេត្រូវបានពន្យាពេលច្រើនឆ្នាំ ឬត្រូវបានកាត់ផ្តាច់ដោយសារបញ្ហាហិរញ្ញវត្ថុនោះ ដំណោះស្រាយមួយសមរម្យដែលគួរពិចារណាគឺថា អាណាព្យាបាលខាងស្រី និងខាងប្រុស គួរតែចេញថ្លៃបណ្ណាការស្មើគ្នាដើម្បីរៀបការជូនកូនប្រុសស្រីរបស់ខ្លួន៕
© រក្សាសិទ្ធិដោយ thmeythmey.com
