ជាតិ
លោក កឹម សុខា៖ លោក សុវ៉េត លះ​បង់​ពេល​ផ្ទាល់​ខ្លួន​ដើម្បី​បុព្វហេតុ​ការពារ​សិទ្ធិមនុស្ស​
11, Dec 2014 , 3:00 pm        
រូបភាព
ដោយ: ថ្មីៗ
នៅ​ថ្ងៃទី១១ ខែធ្នូ ឆ្នាំ២០១៤នេះ លោក កឹម សុខា អនុប្រធាន​ទី១ នៃ​រដ្ឋសភា និង​អនុប្រធាន គណបក្ស​សង្គ្រោះ​ជាតិ បាន​សរសេរ​លិខិត​ចូលរួម​រំលែក​ទុក្ខ​ជាមួយ​គ្រួសារ និង​សាច់ញាតិ នៃ​សព លោក ចាន់សុវ៉េ​ត ។



នៅក្នុង​លិខិត​របស់លោក កឹម សុខា បានសរសេរថា លោក ចាន់ សុវ៉េ​ត បាន​ខិតខំ​ប្រឹងប្រែង និង​ធ្វើ​ពលិកម្ម​យ៉ាង​ធំធេង​មិនអាច​កាត់ថ្លៃ​បាន ក្នុង​បុព្វហេតុ​ការគោរព និង​ការការពារ​សិទ្ធ មនុស្ស​នៅក្នុង​ព្រះរាជាណាចក្រ​កម្ពុជា អស់​រយៈពេល​ជិត ២០ឆ្នាំ ក្នុង​ដំណើរការ​លទ្ធិ​ប្រជា ធិបតេយ្យ​នៅ​ប្រទេស​កម្ពុជា ដែល​ទើបតែ​រួច​ផុតពី​ការឈឺចាប់ ទុក្ខវេទនា ដោយសារ​សង្គ្រាម ផ្ទៃក្នុង និង​ការឈ្លានពាន​របស់​បរ​ទេស។

លោក​សង្កត់ធ្ងន់ថា៖«លោក ចាន់ សុ​វ៉េ​ត បាន​លះបង់​ពេលវេលា​ច្រើន​បំផុត​នៅ​ជាមួយ​ក្រុមគ្រួសារ ដោយបាន​យក​ពេលវេលា​នោះមក​បំរើ​ដល់​បុព្វហេតុ​ការពារ​សិទ្ធិមនុស្ស និង​ជួយ​ជន រងគ្រោះ​ដោយ​អំពើ​រំលោភ​សិទ្ធិមនុស្ស​ក្នុងការ​ស្វែងរក​យុត្តិធម៌»។

នៅ​រសៀល​ថ្ងៃទី១០ ធ្នូ ឆ្នាំ២០១៤ ម្សិលមិញ​នេះ លោក ចាន់ សុ​វ៉េ​ត ជា​អនុប្រធាន​អង្គភាព ស៊ើបអង្កេត​នៃ​សមាគម​សិទ្ធិមនុស្ស អាដហុក (ADHOC) បានទទួល​មរណៈភាព ដោយសារ ជំងឺ​គាំងបេះដូង៕



© រក្សាសិទ្ធិដោយ thmeythmey.com