ជាតិ
ពីនេះ ពីនោះ
ក្តីស្រមៃខុសរបស់មន្ត្រីរាជការវ័យក្មេងមួយចំនួន!
× ក្នុងខណៈពេលដែលយុវជនមួយចំនួន ក្រោយពីបញ្ចប់ការសិក្សា ស្វះស្វែងរកការងារធ្វើនៅតាមក្រុមហ៊ុនឯកជន នៅតាមអង្គការ ឬខិតខំបង្កើតអាជីវកម្មខ្លួនឯងនោះ យុវជនខ្លះទៀត សម្លឹងមើលឱកាសការងារនៅតាមក្រសួងនានារបស់រដ្ឋ។ មូលហេតុដែលគេចាប់អារម្មណ៍ប៉ុស្តិ៍របស់រដ្ឋ ពីព្រោះ ការងាររដ្ឋ គឺជាការងារមានអំណាច អាចរកប្រាក់បាន និងមានកិត្តិយស។
នៅក្នុងវចនានុក្រមសម្តេចសង្ឃ ជួនណាត មន្ត្រី មានន័យថា គឺអ្នកមានគំនិត ចំណេះដឹងរាក់ជ្រៅ អ្នកប្រឹក្សាផែនដី អ្នកដែលមានស័ក្តិយស។ល។ មន្ត្រីរាជការ គឺជាមន្ត្រីដែលធ្វើការបម្រើរាស្ត្រ និង រាជា។
បើយោងតាមការពន្យល់នៅក្នុងវចនានុក្រមសម្តេចសង្ឃ ជួនណាត ខាងលើ ក្លាយជាមន្ត្រីមានកិត្តិយស គឺជាគំនិតត្រឹមត្រូវខ្លះ ប៉ុន្តែអោយថា ការងាររដ្ឋជាការងារមានអំណាច និងមានប្រាក់ គឺជាគំនិតខុសតែម្តង។ មន្ត្រី គឺជាអ្នកមានចំណេះដឹងជ្រៅជ្រះ និងជាបម្រើរាស្ត្រ និងរាជា។ និយាយអោយសាមញ្ញ មានន័យថា មន្ត្រីមិនមែនជាចៅហ្វាយរាស្ត្រទេ តែជា«ខ្ញុំបម្រើរាស្ត្រ» និងរាជា។
លោក Jose Mujica អតីតប្រធានាធិបតីនៃប្រទេសអ៊ុយរ៉ាហ្គាយ ធ្លាប់បាននិយាយថា ប្រសិនបើលោកអ្នកជាអ្នកល្មោភលុយកាក់ សូមអ្នកកុំធ្វើជាអ្នកនយោបាយ ឬមន្ត្រីរាជការ សូមអ្នកធ្វើជាជំនួញទៅវិញចុះ។
នៅក្នុងប្រទេសកម្ពុជា អ្នកនយោបាយខ្លះ មានគំនិតធ្វើនយោបាយដើម្បីជាជំនួញ ឬអាចនិយាយម្យ៉ាងទៀតបានថា ធ្វើជំនួញនយោបាយ៕
© រក្សាសិទ្ធិដោយ thmeythmey.com