ជាតិ
នយោបាយជាតិ
×![]()
ដោយ: ធឿន បញ្ញាឬទិ្ធ
រដ្ឋមន្ត្រីក្រសួងបរិស្ថាន លោក សាយ សំអាល់ សន្យាថានឹងដោះស្រាយបញ្ហាដីធ្លីរបស់ប្រជាពលរដ្ឋនៅខេត្តកោះកុងដែលនៅសេសសល់ទាំងអស់ឲ្យបានចប់ តាមរយៈគោលការណ៍យុត្តិធម៌។ ការសន្យានេះគឺធ្វើឡើង ក្រោយពីជំនួបពិភាក្សាគ្នា រវាងលោក សាយ សំអាល់ រដ្ឋមន្ត្រីក្រសួងបរិស្ថាន និង លោក អេង ឆៃអ៊ាង ប្រធានគណៈកម្មាការទី១ នៃរដ្ឋសភា កាលព្រឹកថ្ងៃទី១២ធ្នូនេះ នៅក្រសួងបរិស្ថាន។
ក្រោយពីជំនួបពិភាក្សាគ្នារយៈពេល២ម៉ោង រវាងលោក សាយ សំអាល់ រដ្ឋមន្ត្រីក្រសួងបរិស្ថាន និង លោក អេង ឆៃអ៊ាង ប្រធានគណៈកម្មាការទី១ នៃរដ្ឋសភា ទាក់ទងនិងបញ្ហាដីធ្លីរបស់ប្រជាពលរដ្ឋខេត្តកោះកុង ដែលមានបញ្ហាជាមួយក្រុមហ៊ុន យូញៀន ឌីវេឡូបមិន Union Development នាពេលកន្លងមកនេះ។ រដ្ឋមន្ត្រីក្រសួងបរិស្ថានលោក សាយ សំអាល់ សន្យាថា ក្រសួងនឹងដោះស្រាយបញ្ហាដីធ្លីរបស់ប្រជាពលរដ្ឋនៅខេត្តកោះកុងដែលនៅសេសសល់ទាំងអស់ឲ្យបានចប់ តាមរយៈគោលការណ៍យុត្តិធម៌។ បើតាមលោក សាយ សំអាល់ កន្លងមកក្រសួងបានដោះស្រាយបញ្ហាជូនប្រជាពលរដ្ឋជិត១ពាន់គ្រួសារមកហើយ។ លើសពីនេះក្រសួងកំពុងរៀបចំកាត់ដីចំនួន៩ពាន់ ហិចតា ដើម្បីចែកជូនដល់ប្រជាពលរដ្ឋនៅទីនោះ។
លោកបន្ថែម៖«ខ្ញុំនិងព្យាយាមដោះស្រាយជូនប្រជាពលរដ្ឋ ដែលមានបញ្ហាសេសសល់ទាំងអស់ជូនពួកគាត់។ ហើយក្រសួងក៏កំពុងរៀបចំកាត់ដីជូនពួកគាត់តាមនិតិវិធីផងដែរ»។
លោក សាយ សំអាល់ បន្ថែមទៀតថា កន្លងមកនេះក្រសួងក៏បានចុះទៅត្រួតពិនិត្យក្រុមហ៊ុនដែលទទួលបានដីសម្បទាន ដើម្បីយកមកដាក់នៅក្នុងគណៈកម្មាការអន្តរក្រសួង ធ្វើការសម្រេចចិត្តលើក្រុមហ៊ុនទាំងនោះ ដើម្បីដកយកដីសម្បទានមកវិញ។
បើតាមលោក អេង ឆៃអ៊ាង ប្រធានគណៈកម្មការទី១ នៃរដ្ឋសភា ប្រជាពលរដ្ឋនៅខេត្តកោះកុងនៅសេសសល់ទាំងនោះ បានប្ដឹងទៅគណៈកម្មការរបស់លោក ដោយពួកគេម្នាក់ៗលើកឡើងថា ការដោះស្រាយរបស់រដ្ឋាភិបាលកន្លងមក មិនមានភាពសមរម្យ មានការបង្ខិតបង្ខំ និងគ្មានភាពយុត្តិធម៌ដល់ពួកគេ។ លោកបន្ថែមថា៖«ពួកគេប្រាប់ខ្ញុំថាក្រសួងបានដោះស្រាយ តែវាមិនមានភាពត្រឹមត្រូវសម្រាប់ពួកគេ ព្រោះឲ្យតំលៃទៅលើដីពួកគេមិនសមរម្យ ដែលមិនអាចឲ្យពួកគេទទួលបាន ហើយមានការបង្ខំទៀតផង»។
ប្រជាពលរដ្ឋនៅខេត្តកោះកុង ដែលមានបញ្ហាជាមួយក្រុមហ៊ុន ក្រុមហ៊ុន យូញៀន ឌីវេឡូបមិន Union Development កន្លងមកពួកគេក៏ធ្លាប់បានដាក់ពាក្យបណ្ដឹងតវ៉ាជាបន្តបន្ទាប់ផងដែរ ដើម្បីរកអន្តរាគមន៍ជួយដំណោះស្រាយបញ្ហាដីធ្លីរបស់ពួកគេ៕
ក្រោយពីជំនួបពិភាក្សាគ្នារយៈពេល២ម៉ោង រវាងលោក សាយ សំអាល់ រដ្ឋមន្ត្រីក្រសួងបរិស្ថាន និង លោក អេង ឆៃអ៊ាង ប្រធានគណៈកម្មាការទី១ នៃរដ្ឋសភា ទាក់ទងនិងបញ្ហាដីធ្លីរបស់ប្រជាពលរដ្ឋខេត្តកោះកុង ដែលមានបញ្ហាជាមួយក្រុមហ៊ុន យូញៀន ឌីវេឡូបមិន Union Development នាពេលកន្លងមកនេះ។ រដ្ឋមន្ត្រីក្រសួងបរិស្ថានលោក សាយ សំអាល់ សន្យាថា ក្រសួងនឹងដោះស្រាយបញ្ហាដីធ្លីរបស់ប្រជាពលរដ្ឋនៅខេត្តកោះកុងដែលនៅសេសសល់ទាំងអស់ឲ្យបានចប់ តាមរយៈគោលការណ៍យុត្តិធម៌។ បើតាមលោក សាយ សំអាល់ កន្លងមកក្រសួងបានដោះស្រាយបញ្ហាជូនប្រជាពលរដ្ឋជិត១ពាន់គ្រួសារមកហើយ។ លើសពីនេះក្រសួងកំពុងរៀបចំកាត់ដីចំនួន៩ពាន់ ហិចតា ដើម្បីចែកជូនដល់ប្រជាពលរដ្ឋនៅទីនោះ។
លោកបន្ថែម៖«ខ្ញុំនិងព្យាយាមដោះស្រាយជូនប្រជាពលរដ្ឋ ដែលមានបញ្ហាសេសសល់ទាំងអស់ជូនពួកគាត់។ ហើយក្រសួងក៏កំពុងរៀបចំកាត់ដីជូនពួកគាត់តាមនិតិវិធីផងដែរ»។
លោក សាយ សំអាល់ បន្ថែមទៀតថា កន្លងមកនេះក្រសួងក៏បានចុះទៅត្រួតពិនិត្យក្រុមហ៊ុនដែលទទួលបានដីសម្បទាន ដើម្បីយកមកដាក់នៅក្នុងគណៈកម្មាការអន្តរក្រសួង ធ្វើការសម្រេចចិត្តលើក្រុមហ៊ុនទាំងនោះ ដើម្បីដកយកដីសម្បទានមកវិញ។
បើតាមលោក អេង ឆៃអ៊ាង ប្រធានគណៈកម្មការទី១ នៃរដ្ឋសភា ប្រជាពលរដ្ឋនៅខេត្តកោះកុងនៅសេសសល់ទាំងនោះ បានប្ដឹងទៅគណៈកម្មការរបស់លោក ដោយពួកគេម្នាក់ៗលើកឡើងថា ការដោះស្រាយរបស់រដ្ឋាភិបាលកន្លងមក មិនមានភាពសមរម្យ មានការបង្ខិតបង្ខំ និងគ្មានភាពយុត្តិធម៌ដល់ពួកគេ។ លោកបន្ថែមថា៖«ពួកគេប្រាប់ខ្ញុំថាក្រសួងបានដោះស្រាយ តែវាមិនមានភាពត្រឹមត្រូវសម្រាប់ពួកគេ ព្រោះឲ្យតំលៃទៅលើដីពួកគេមិនសមរម្យ ដែលមិនអាចឲ្យពួកគេទទួលបាន ហើយមានការបង្ខំទៀតផង»។
ប្រជាពលរដ្ឋនៅខេត្តកោះកុង ដែលមានបញ្ហាជាមួយក្រុមហ៊ុន ក្រុមហ៊ុន យូញៀន ឌីវេឡូបមិន Union Development កន្លងមកពួកគេក៏ធ្លាប់បានដាក់ពាក្យបណ្ដឹងតវ៉ាជាបន្តបន្ទាប់ផងដែរ ដើម្បីរកអន្តរាគមន៍ជួយដំណោះស្រាយបញ្ហាដីធ្លីរបស់ពួកគេ៕
© រក្សាសិទ្ធិដោយ thmeythmey.com
