ប្រធានពេទ្យគន្ធបុប្ផា ប្រាប់ឲ្យរដ្ឋត្រៀមថវិកាទុកពេលគាត់មិនអាចរកប្រាក់ជំនួយបាន

ជាតិ

សុខភាព

ប្រធានពេទ្យគន្ធបុប្ផា ប្រាប់ឲ្យរដ្ឋត្រៀមថវិកាទុកពេលគាត់មិនអាចរកប្រាក់ជំនួយបាន

12, Dec 2014 , 8:15 pm

រូបភាព

ដោយ:

ប្រធាន និងជាស្ថាបនិកមន្ទីរពេទ្យគន្ធបុប្ផា លោកវេជ្ជបណ្ឌិត Beat Richnerបានប្រាប់ឲ្យរដ្ឋាភិបាលកម្ពុជា គួរតែត្រៀមថវិកាសម្រាប់ទ្រទ្រង់មន្ទីរពេទ្យមួយនេះនៅក្នុងពេលខាងមុខ នៅពេលដែលលោក មិនអាចលេងសែលឡូដើម្បីរៃអង្គាសថវិកាបានទៀតនោះ។

នៅក្នុងលិខិតមួយដែលចេញផ្សាយកាលពីថ្ងៃទី ៧ ខែធ្នូ ដែលមានចំណងជើងថា «តើនឹងមានអ្វីកើតឡើងទៅ ចំពោះកុមារបើមន្ទីរពេទ្យគន្ធបុប្ផា មិនដំណើរការនៅថ្ងៃអាទិត្យ?» នោះ លោកវេជ្ជបណ្ឌិត Beat Richner បានឲ្យដឹងថា បច្ចុប្បន្ននេះ ក្រសួងសុខាភិបាលបានចូលរួមតែ ១ ភាគរយនៃថវិកាសរុបសម្រាប់ទ្រទ្រង់មន្ទីរពេទ្យនេះ ក្នុងរយៈពេលមួយឆ្នាំ។

បើតាមលិខិតដដែលនោះ ៨៥ ភាគរយនៃថវិកាជាង ៤០ លានដុល្លារ ក្នុងមួយឆ្នាំៗ គឺបានមកពីការបរិច្ចាគពីសប្បុរសជនផ្នែកឯកជន។ មន្ទីរពេទ្យកុមារមួយនេះ បាននិងកំពុងជួយព្យាបាលជំងឺដល់កុមារ ៨៥ ភាគរយនៃកុមារកម្ពុជាសរុប និង ៩២ ភាគរយប្រសិនបើមានករណីជំងឺគ្រុនឈាមនោះ។

សូមបញ្ជាក់ថា ក្នុងមួយថ្ងៃៗមន្ទីរពេទ្យគន្ធបុប្ផា ត្រូវចំណាយថវិកាអស់ជាង ១២ម៉ឺន ដុល្លារអាមេរិក សម្រាប់ទ្រទ្រង់ដល់ការព្យាបាលទាំងអស់ ដោយគ្មានការបង់ប្រាក់។ ក្នុងរយៈពេល ២៣ ឆ្នាំកន្លងមកនេះ មន្ទីរពេទ្យមួយនេះ បានចំណាយថវិកាអស់ប្រហែល ៥៦០ លានដុល្លារ ដែលក្នុងនោះមាន ៩២,៥ ភាគរយបានមកពីការបរិច្ចាគដោយសប្បុរសជន ជាពិសេសពីប្រជាជនស្វ៊ីស និង ៧,៥ ភាគរយគឺជាថវិកាដែលបានមកពីរដ្ឋាភិបាលកម្ពុជា និងរដ្ឋាភិបាលប្រទេសស្វ៊ីស៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

7 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

4 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

2 ថ្ងៃ

អត្ថបទពេញនិយមបន្ថែម