ជាតិ
ពិធីប្រកួតល្បឿនឆែកពាក្យក្នុងវចនានុក្រម ម៉េងលី ជេ. គួច លើកទី១សម្រាប់សិស្សសិក្សាភាសាចិន
×
កាលពីចុងសប្តាហ៍កន្លងទៅនេះ វិទ្យាស្ថាន អន្តរទ្វីប អាមេរិកាំង បានប្រារព្ធពិធីប្រកួតល្បឿនឆែកពាក្យក្នុងវចនានុក្រម ម៉េងលី ជេ. គួច លើកទី១សម្រាប់សិស្សសិក្សាភាសាចិនទាំងអស់មកពីគ្រប់កម្រិតសិក្សា ក្រោមអធិបតីភាពរបស់ លោក កែវ ឡង់ឌីអនុប្រធានជាន់ខ្ពស់ វិទ្យាស្ថាន និងសាលារៀន អន្តរទ្វីប អាមេរិកាំង និងមានការអញ្ជើញចូលរួមយ៉ាងច្រើនកុះករពីសំណាក់សិស្សានុសិស្ស មាតាបិតា បុគ្គលិក លោកគ្រូ អ្នកគ្រូព្រមទាំងភ្ញៀវកិត្តិយសសរុប៣២៥នាក់។
មតិសំណេះសំណាលក្នុងពិធីប្រកួតល្បឿនឆែកពាក្យក្នុងវចនានុក្រមនាពេលនេះ លោក កែវ ឡង់ឌី បានថ្លែងឱ្យដឹងថាកម្មវិធីអប់រំនេះជាកម្មវិធីអប់រំមួយក្នុងចំណោមកម្មវិធីអប់រំជាច្រើនទៀត ដែលវិទ្យាស្ថានបានបង្កើតឡើងក្នុងគោលបំណងឱ្យសិស្សានុសិស្សទាំងអស់ មានឱកាសចូលរួមក្នុងការអភិវឌ្ឍចំណេះដឹងរបស់ខ្លួនឱ្យកាន់តែទូលំទូលាយ ក្រៅអំពីការក្រេបជញ្ជក់ចំណេះដឹងនៅក្នុងថ្នាក់រៀន។ តាមរយៈការប្រកួតនេះ សិស្សានុសិស្សអាចបង្កើតភាពរហ័សរហួនក្នុងការស្វែងរកពាក្យនៅក្នុងវចនានុក្រម និងធ្វើឱ្យពួកគេយល់ពីរបៀបប្រកបពាក្យដ៏ត្រឹមត្រូវ។
© រក្សាសិទ្ធិដោយ thmeythmey.com